SAN MATEO 7:2 - Chatino Tataltepec

² La cui' ñi'ya̱ nchcui' cuxi ma̱ ji'i̱ xa' la tya'a ñati̱ ma̱, si tyaala tsa ma̱, la cui' jua'a̱ cua'ni cuayá' ycui' Ni ji'i̱ ma̱. Lo'o jua'a̱, la cui' cuayá' milya ñi'ya̱ nu nda ma̱ ji'i̱ tya'a ñati̱ ma̱, la cui' jua'a̱ ta ycui' Ni ji'i̱ ma̱.

SAN MATEO 7:2 ပူးပေါင်းရင်းမြစ်များ

SAN MATEO 6:14

’Si cui'ya ma̱ cha' clyu ti' ji'i̱ ngu' nu ngua'ni cha' cuxi lo'o ma̱, li' lo'o Sti na nu ntucua nde cua̱ cui'ya Ni cha' clyu ti' ji'i̱ ma̱;

SAN MARCOS 4:24

Tya ngulu'u la xi Jesús ji'i̱ ngu' li': ―Taquiya' tso'o ma̱ ji'i̱ cha' nu nchcui' na' lo'o ma̱ juani ―nacui̱ Jesús―. Ñi'ya̱ nu ndu'ni ma̱ lo'o xa' ñati̱, la cui' jua'a̱ cua'ni ycui' Ndyosi lo'o ma̱ li'. Lo'o jua'a̱ lo'o cuna tso'o ma̱ cha' jna', quiña'a̱ la cha' tso'o tyu'u ne' cresiya ji'i̱ ma̱ li'.

SAN LUCAS 6:38

Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.

2 CORINTIOS 9:6

Tyi'u ti' ma̱ ñi'ya̱ ndyaca lo'o ntyaa na na cuiñii. Si xti ti si'yu na cuiñii bi' cataa na, xti ti cha' tso'o tyu'u ji'na li'; pana si quiña'a̱ si'yu cataa na, quiña'a̱ la cha' tso'o tyu'u li'.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

APOCALIPSIS 18:6

Xcube' Ni ji'i̱ ngu' bi' li'; la cui' ñi'ya̱ lo'o cua nguxcube' ngu' ji'i̱ ma̱, jua'a̱ xcube' Ni ji'i̱ ngu' bi', masi tucua quiya' ta Ni cha' ti'í ji'i̱ ngu' quichi̱ bi'. Lye tsa ndyu'ni lya' ti' ngu' bi' ji'i̱ xa' ñati̱, bi' cha' cua'ni yala Ni cha' tucua quiya' xcube' Ni ji'i̱ ngu'.