SAN MATEO 7:17 - Chatino Tataltepec

¹⁷ Ji'i̱ lcaa yaca tso'o nsuu na si'yu tso'o; pana yaca nu cua btyi ni, nga'aa nda bi' si'yu nu cacu na.

SAN MATEO 7:17 ပူးပေါင်းရင်းမြစ်များ

SAN MATEO 7:18

Ná ta sca yaca tso'o si'yu nu ná tso'o; jua'a̱ sca yaca nu ná tso'o ni, ná ta bi' si'yu tso'o.

EFESIOS 5:9

Na cua ntsu'u nu xee lubii ji'i̱ ycui' Ndyosi ne' cresiya ji'i̱ ma̱, bi' laca nu ndu'ni lo'o ma̱ cha' cua'ni ma̱ cha' tso'o; ndu'ni bi' cha' tso'o ti tyu'u tyiquee ma̱ ña'a̱ ma̱ ji'i̱ xa' ñati̱, cha' xcui' cha' liñi chcui' ma̱.

FILIPENSES 1:11

Quiña'a̱ tsa cha' tso'o taca cua'ni ma̱ lcaa su ndi'i̱ ma̱ chalyuu xqui'ya Jesucristo, cha' ndyu'ni Cristo cña ne' cresiya ji'i̱ ma̱; bi' cha' taca cua'ni tlyu ma̱ ji'i̱ ycui' Ndyosi, taca cua'ni chi̱ ma̱ loo Ni.

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.