SAN MATEO 7:11 - Chatino Tataltepec

¹¹ Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.

SAN MATEO 7:11 ပူးပေါင်းရင်းမြစ်များ

SAN MATEO 23:9

Lo'o jua'a̱ ná nga'a̱ cha' ñacui̱ ma̱ cha' sti ma̱ laca sca ñati̱ chalyuu ti, cha' sca ti ycui' Ndyosi nu ntucua nde cua̱, bi' laca Sti ma̱.

SAN MATEO 7:10

Ni ná ntsu'u ñati̱ nu ta cuaña ji'i̱ sñi' lo'o jña nu piti cualya cacu. ¿Ha ntsu'u?

SAN JUAN 3:16

’Ntsu'u tsa tyiquee ycui' Ndyosi ña'a̱ Ni ji'i̱ ñati̱ chalyuu, bi' cha' cua nda ycui' Ni jna' nu laca̱ Sñi' ycui' ca Ni lijya̱ na' chalyuu. Ná tsaa ñati̱ ca bilyaa si xñi ngu' cha' jna', nu laca̱ sca ti Sñi' ycui' Ndyosi; caja chalyuu tso'o ji'i̱ ngu' bi', chalyuu nu ná nga'a̱ cha' tye ―nacui̱ Jesús―.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

ROMANOS 3:9

Ndi'ya̱ ñacui̱ na lacua: Ná caca chcui' na cha' tso'o la na cha' laca na ngu' judío, cha' si'i cha' bi' tsiya' ti; cua ngua cuayá' ca ti' na cha' stu'ba ti ntsu'u cha' cuxi ji'i̱ ngu' judío lo'o ji'i̱ ngu' xa' tsu', cha' ntsu'u tsa cha' cuxi nu laca loo ji'i̱ lcaa ñati̱ chalyuu.

ROMANOS 8:32

Ná nda ycui' Ndyosi chacuayá' ji'i̱ Jesús cha' tya'a̱chu̱' yu ji'i̱ cña ji'i̱ Ni jua'a̱ ti, masi nu sca ti Sñi' ycui' Ni laca yu; nda Ni ji'i̱ yu cha' cajaa lo crusi cuentya ji'i̱ lcaa na lo'o tya'a na. Cua nda Ni lcaa cha' tso'o nu ji'i̱ ycui' ca Ni ji'i̱ Jesús, la cui' nu laca nu sca ti Sñi' ycui' Ni. Lo'o jua'a̱ sca ti cuayá' nu ta Ni cha' bi' ji'na, ñi'ya̱ lo'o nda Ni cha' bi' ji'i̱ Sñi' ycui' Ni.

GÁLATAS 3:22

Cua nchcui' quityi ji'i̱ ycui' Ndyosi cha' nu cuxi laca loo la ji'i̱ lcaa ñati̱ chalyuu, ñi'ya̱ si na cua laca na preso ji'i̱. Si jlo ti' na cha' nu cuxi laca loo ji'na, li' taca ji'i̱ Ni cua'ni lyaá Ni ji'na; ta Ni chalyuu cucui ji'na li', nu lo'o xñi na cha' ji'i̱ ycui' Jesucristo. Bi' laca nu cha' tso'o nu cua ngüiñi ji'i̱ ycui' Ni lo'o na.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.

1 JUAN 4:10

Nde laca cha' nu nchcui' na' lo'o ma̱: Si'i cha' ntsu'u tyiquee na ña'a̱ na ji'i̱ ycui' Ndyosi, masi ycui' Ndyosi laca nu ntsu'u tsa tyiquee Ni ña'a̱ Ni ji'na tya clyo, bi' cha' nda Ni ji'i̱ Sñi' ycui' ca Ni ya̱a̱ chalyuu cha' ngujuii yu lo crusi, cha' cua ngua cuxi tyiquee na lo'o ycui' Ndyosi nu Xu'na na xqui'ya cha' cuxi nu ngua'ni na; pana Jesucristo nu sca ti Sñi' ycui' Ni, bi' laca nu cua nchcube' cña loo na, ngüi'ya Ni yabe' nu ntsu'u ji'na.