SAN MATEO 5:6 - Chatino Tataltepec

⁶ ’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

SAN MATEO 5:6 ပူးပေါင်းရင်းမြစ်များ

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN LUCAS 6:21

’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱. ’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.

SAN LUCAS 6:25

’Lo'o jua'a̱ tya'na tsa cu'ma̱ nu tso'o tsa nguaala' ti' ma̱ nde chalyuu juani, cha' quiña'a̱ tsa cha' caca nu lyiji ji'i̱ ma̱ nde loo la ―nacui̱ Jesús―. ’Lo'o jua'a̱ tya'na tsa cu'ma̱ nu lye tsa nxtyí lo'o ma̱ ji'i̱ tya'a ñati̱ ma̱; ca tiya' la, li' lo'o cu'ma̱ xi'ya ma̱ cha' lye tsa caca xñi'i̱ ti' ma̱ ―nacui̱ Jesús―.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 7:37

Lo'o cua tye ti ta'a, tsa̱ ycui' ta'a li' tya ndu̱ Jesús ne' laa tonu. Cui̱i̱ nchcui' yu lo'o ñati̱ ca bi': ―Lo'o nguityi ca ma̱ hitya, ca̱a̱ ma̱ ca slo na' cha' ta na' hitya co'o ma̱ ―nacui̱ yu―.

APOCALIPSIS 7:16

Nga'aa tyucua cha' ntyute' ngu' bi' chaca quiya', ni nga'aa tyucua cha' nguityi ngu' hitya; nga'aa tsumi̱' xee cua̱ ji'i̱ ngu', ni nga'aa ca chiya'a̱ ti' ngu' lo'o tyique' cua̱.