SAN MATEO 5:4 - Chatino Tataltepec

⁴ ’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

SAN MATEO 5:4 ပူးပေါင်းရင်းမြစ်များ

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

SAN LUCAS 6:21

’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱. ’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.

SAN LUCAS 6:25

’Lo'o jua'a̱ tya'na tsa cu'ma̱ nu tso'o tsa nguaala' ti' ma̱ nde chalyuu juani, cha' quiña'a̱ tsa cha' caca nu lyiji ji'i̱ ma̱ nde loo la ―nacui̱ Jesús―. ’Lo'o jua'a̱ tya'na tsa cu'ma̱ nu lye tsa nxtyí lo'o ma̱ ji'i̱ tya'a ñati̱ ma̱; ca tiya' la, li' lo'o cu'ma̱ xi'ya ma̱ cha' lye tsa caca xñi'i̱ ti' ma̱ ―nacui̱ Jesús―.

SAN LUCAS 7:38

Ndyaca'a̱ cho' cacua ti slo quiya' Jesús li'. Ndyunaa tsa cho', hasta ndyalú hitya cloo cho' chu̱' quiya' Jesús; lo'o quicha̱' hique cho' nsube' cho' chu̱' quiya' Jesús cha' xquityi ji'i̱ quiya' yu. Nchcuicha' cho' quiya' Jesús li', nda'a̱ cho' setye tyixi xtyi'i bi' chu̱' quiya' Jesús.

SAN LUCAS 7:50

Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SANTIAGO 1:12

Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.