SAN MATEO 5:25 - Chatino Tataltepec

²⁵ ’Pana ndi'ya̱ cua'ni ma̱ si ntsu'u ñati̱ nu sta qui'ya ji'i̱ ma̱ ca toni'i̱ cña: hora ti xaala' ma̱ cha' ji'i̱ ma̱ lo'o ñati̱ bi', laja lo'o bilya tyalaa ma̱ slo ngu' tisiya cha' cua'ni cuayá' ngu' ji'i̱ cha' cusu̱u̱ bi'. Cuxi la cha' si tyaala tsa ngu' tisiya, cha' li' xi'ya ngu' ji'i̱ ngu' policía cha' su'ba ngu' ji'i̱ ma̱ ne' chcua̱.

SAN MATEO 5:25 ပူးပေါင်းရင်းမြစ်များ

SAN MATEO 26:58

Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN LUCAS 18:3

La cui' quichi̱ bi' ntsu'u sca nu cuna'a̱ ti'i. Li' ndyaa ma' bi' ndyaa na'a̱ ma' ji'i̱ bese bi', cha' ntsu'u cha' cuxi nu ndyu'ni xa' ñati̱ lo'o ma'; ngua ti' ma' cha' quiñi tso'o cha' ji'i̱ ma' lo'o tya'a cusu̱u̱ ma' slo bese.

2 CORINTIOS 6:2

Ndi'ya̱ nchcui' sca cha' nu nscua lo quityi ji'i̱ ycui' Ndyosi sa'ni la: Cua nti' tsa na' cha' cua'ni cho'o na' cresiya ji'i̱ ma̱, nacui̱ ycui' Ndyosi, bi' cha' ntucuá na' cha' ji'i̱ ma̱ lo'o nchcui' ma̱ lo'u̱. Cua nti' na' cha' cua'ni lyaá na' ji'i̱ ma̱, bi' cha' nguxtyucua tsa na' ji'i̱ ma̱. Jua'a̱ nacui̱ ycui' Ndyosi. Lo'o nu juani cua laca tyempo cha' cua'ni cho'o Ni cresiya ji'i̱ ma̱, juani cua laca la cui' tyempo cha' cua'ni lyaá ycui' Ndyosi ji'i̱ ma̱ ji'i̱ nu cuxi.

HEBREOS 12:17

Cua jlo ti' ma̱ ñi'ya̱ ngua ca tiya' la: nu lo'o ngua ti' yu cha' culacua̱ sti yu ji'i̱ yu, li' nga'aa ndaquiya' sti yu ji'i̱ cha' nu nda yu lo'o; nga'aa ngujui ñi'ya̱ nu tya'a̱chu̱' yu ji'i̱ cha' nu cua ngua'ni yu, masi ngusi'ya tsa yu lo'o ngüijña yu cha' bi' ji'i̱ sti yu.

HEBREOS 3:13

Ná tso'o si cñilo'o nu cuxi ji'i̱ ma̱, lo'o li' xana caca cuxi cresiya ji'i̱ ma̱. Bi' cha' lcaa tsa̱ nga'a̱ cha' xtyucua ma̱ ji'i̱ tya'a ma̱, cha' tyanu tachaa la cha' ji'i̱ Jesús ne' cresiya ji'i̱ ngu' tya'a ma̱, cha' ná cñilo'o nu cuxi ji'i̱ ma̱ tyucui lo'o tya ndi'i̱ ti ma̱ chalyuu.

HEBREOS 3:7

Lo quityi cua nscua sca cha' nu nda Xtyi'i ycui' Ndyosi lo'o ñati̱ sa'ni. Ndi'ya̱ nchcui' Ni lo'o ngu' tya li': Juani ti cua'a̱ jyaca̱ ma̱ ji'i̱ cha' nu nda na' lo'o ma̱: