SAN MATEO 5:23 - Chatino Tataltepec

²³ ’Lo'o jua'a̱ laja lo'o ndyaa ti ma̱ ne' laa cha' ta ma̱ msta̱ ji'i̱ ycui' Ndyosi, si tyi'u ti' ma̱ cha' ntsu'u cha' ñasi̱' ti' ji'i̱ ma̱ lo'o tya'a ma̱,

SAN MATEO 5:23 ပူးပေါင်းရင်းမြစ်များ

SAN MATEO 23:19

¡Chañi cha' cuityi̱' cu'ma̱! ¿Na laca nu ndulo la cha' ji'i̱, nti' ma̱? ¿Ha tlyu la cha' ji'i̱ msta̱ bi'? ¿Ha tlyu la cha' ji'i̱ mesa su nscua msta̱ bi', nti' ma̱? Sca ti cuayá' laca cha' bi';

SAN MATEO 5:24

li' tso'o la xtyu̱u̱ ma̱ lo'o msta̱ ji'i̱ ma̱ chaca quiya' ca toni'i̱ ji'i̱ ma̱. Li' tsaa ma̱ tsaa xaala' ma̱ tyiquee tya'a ma̱ tya clyo. Lo'o li' xa' squi'ya ma̱ msta̱ bi' toni'i̱ ji'i̱ ma̱, tsaa lo'o ma̱ ji'i̱ ne' laa chaca quiya'.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MARCOS 11:25

La cui' jua'a̱, lcaa quiya' nu lo'o ndu̱ ma̱ cha' chcui' ma̱ lo'o ycui' Ndyosi, ntsu'u cha' cua'ni clyu ti' ma̱ ji'i̱ tya'a ñati̱ ma̱, si ntsu'u cha' ngusu'ba ñasi̱' ngu' ji'i̱ ma̱. Li' ycui' Ndyosi Sti ma̱ nu ntucua nde cua̱, caca ji'i̱ Ni cua'ni clyu ti' Ni ji'i̱ ma̱ ji'i̱ cha' cuxi nu ntsu'u ji'i̱ ma̱.

SAN LUCAS 19:8

Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.