SAN MATEO 5:20 - Chatino Tataltepec

²⁰ Ndi'ya̱ ñacui̱ na' ji'i̱ ma̱ juani: ná caja chalyuu nu ná nga'a̱ cha' tye ji'i̱ ma̱, si ná tso'o la cha' nu cua'ni ma̱, si'i ñi'ya̱ nu ndu'ni ngu' tacati jua, nu ngu' fariseo bi' lo'o jua'a̱ nu mstru cha' jo'ó bi'.

SAN MATEO 5:20 ပူးပေါင်းရင်းမြစ်များ

SAN MATEO 16:12

Ngua cuayá' ti' ngu' li' cha' nchcui' Jesús ji'i̱ lcaa cha' cuxi nu nclu'u ngu' fariseo lo'o ngu' saduceo ji'i̱ ngu', cha' nga'aa tso'o xñi ngu' cha' bi'; si'i cha' ji'i̱ scua̱ tiye' nu ndya' xlyá lo'o nu nti' Jesús chcui' tsa̱ bi'.

SAN MATEO 18:5

Nu lo'o xtyucua ma̱ ji'i̱ sca ñati̱ ñi'ya̱ nti' nu piti re xqui'ya cha' ngusñi tso'o ma̱ cha' jna', la cui' jua'a̱ na nxtyucua ma̱ 'na laca.

SAN MATEO 3:10

Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi; si'yu yu bi' ji'i̱ lcaa yaca nu ná nda si'yu tso'o cha' tyaqui̱ lo quii', lo'o jua'a̱ xcube' Ni ji'i̱ ñati̱ nu ná ntaja'a̱ xtyanu qui'ya nu ntsu'u ji'i̱ ngu'.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

SAN MARCOS 10:15

Chañi cha' nu nchcui' na' ―nacui̱―, cha' ná caca tyatí̱ ngu' cha' ji'i̱ ycui' Ndyosi cha' caca Ni loo ne' cresiya ji'i̱ ngu', si ná tyucui ti' tyiquee ngu' ñi'ya̱ nu ntsu'u tyiquee sca nu sube.

SAN MARCOS 10:25

Lasa la cña tyeje tacui sca na'ni quiya' cuxa, masi sca na'ni tonu ñi'ya̱ sca camello. Lasa la cha' bi', tucui la tyatí̱ sca ngu' culiya' cha' ji'i̱ ycui' Ndyosi cha' caca ycui' Ni loo ne' cresiya ji'i̱ yu.

SAN LUCAS 11:44

’Tya'na tsa cu'ma̱ ngu' fariseo, lo'o cu'ma̱ ngu' mstru cha' jo'ó, cha' na ndu'ni ti ma̱ cha' tacati ma̱. Ñi'ya̱ laca sca cuaá nu ntsiya ne' lo'o jyo'o, su ná sca na nscua chu̱', ni quee ná nscua, hasta nsta quiya' ngu' chu̱' bi', cha' ná jlo ti' ngu' cha' cuaá laca; jua'a̱ laca cu'ma̱, cha' na ñilo'o ti ma̱ ji'i̱ ñati̱.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 18:17

Cha' liñi nda na' re lo'o ma̱: Ñati̱ nu ná xñi cha' tso'o ji'i̱ ycui' Ndyosi ñi'ya̱ nu nxñi sca nu sube cha' bi', ná ntsu'u chacuayá' tyatí̱ ñati̱ bi' ca su laca ycui' Ni loo.

2 CORINTIOS 3:9

Cña nu nclyo cha' cusu' ni, bi' ndu'ni cha' quijeloo qui'ya nu ntsu'u ji'i̱ ñati̱; ntsu'u cha' chcube' ngu' li', masi ndubi tsa ña'a̱ xee nu ngua ca su ntucua quiya' cha' cusu' bi'. Bi' cha' juani tlyu la cha' laca cha' ji'i̱ ycui' Jesús bi', cha' jua'a̱ ndyaca lubii cresiya ji'na cuentya ji'i̱ ycui' Ndyosi xqui'ya Jesús bi'.

2 CORINTIOS 5:17

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

FILIPENSES 3:9

cha' stu'ba ti tyu'u tyiquee na' lo'o Ni. Ná ngüityi̱ ycui' Ndyosi qui'ya 'na nu lo'o ndaquiya' tsa na' ji'i̱ nu cha' cusu' bi'; laca cha' cua ngüityi̱ ycui' Ni qui'ya 'na lo'o jlya ti ti' na' ji'i̱ cña nu ngua'ni Cristo, tsa bi' ti cha'. Bi' cha' ngua'ni Ni cha' caca tso'o cresiya jna'.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

APOCALIPSIS 21:27

pana ni sca cha' cuxi ná taca tyatí̱ quichi̱ bi'. Lcaa ñati̱ nu ndu'ni suba' lo'o nu cuna'a̱, jua'a̱ ngu' cuiñi, ná caja chacuayá' tyatí̱ ngu' ca quichi̱ bi'; ñati̱ nu ntsu'u xtañi lo quityi nu ntucua ya' nu ñi'ya̱ ña'a̱ xlya' bi', nu ndacha' tilaca laca nu ná nga'a̱ cha' tye chalyuu ji'i̱, bi' ti ñati̱ laca nu caja chacuayá' ji'i̱ tyalaa ca quichi̱ bi'.