SAN MATEO 5:19 - Chatino Tataltepec

¹⁹ Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.

SAN MATEO 5:19 ပူးပေါင်းရင်းမြစ်များ

SAN MATEO 11:11

Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ ntsu'u cña tlyu la ji'i̱, ñi'ya̱ nu ngua ji'i̱ Juan bi'. Pana cua lijya̱ na' cha' caca na' loo ne' cresiya ji'i̱ ñati̱; juani cua ña'a̱ ca ñati̱ nu ngusñi cha' 'na, tlyu la cha' ntsu'u ji'i̱ ngu' bi' que Juan, masi ti'i ti ngu', masi cuañi' ngu'.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN MATEO 20:26

pana nu cu'ma̱ ni, ná cua'ni ma̱ jua'a̱. Lcaa lo cña nu taca xtyucua ma̱ ji'i̱ tya'a ñati̱ ma̱, bi' cña ntsu'u cha' cua'ni ma̱, si cua nti' ma̱ cha' caca ma̱ loo ji'i̱ ngu'.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN LUCAS 11:42

’Tya'na tsa cu'ma̱ ngu' fariseo ―nacui̱ Jesús―. Tacati tsa ndu'ni ma̱ lo'o ycui' Ndyosi lo'o lcaa na xca ti nu ntsu'u ji'i̱ ma̱, jua'a̱ lo'o nda ma̱ msta̱ ji'i̱ Ni ne' laa; sa yu'be lcaa quixi̱' nu tso'o xtyi'i, sa yu'be lcaa quixi̱' nu nda xtyi'i ji'i̱ scuaa, nda ma̱ cha' bi' ji'i̱ ycui' Ndyosi clyo lo'o ngüi'ya ca ti ma̱ ji'i̱. Pana ná liñi ndu'ni cuayá' ma̱ ji'i̱ ñati̱, lo'o jua'a̱ ná ntsu'u tyiquee ma̱ ña'a̱ ma̱ ji'i̱ ycui' Ndyosi tsiya' ti; bi' laca cña nu nga'a̱ cha' cua'ni ma̱ yala la, masi ña'a̱ ti cua'ni ma̱ nu xa' la cña sube bi'.

SAN LUCAS 9:48

Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

LOS HECHOS 1:1

Tya tsubi' la cua nscua na' sca quityi nu ndyaa slo nu'u̱, Teófilo. Quityi bi' ndacha' ji'i̱ cua ña'a̱ ca cña nu ngua'ni Jesús, cua ña'a̱ ca cha' nu ngulu'u Jesús tya lo'o nguxana ndyu'ni yu cña,

ROMANOS 3:8

La cui' ti ná tso'o laca cha' cua'ni la na cha' cuxi cha' caca tso'o la cha' ji'na nde loo la; pana ntsu'u ngu' nu ñilo'o ji'i̱ tya'a ngu' lo'o nchcui' ngu' cha' jua'a̱ laca cha' cuxi nu nchcui' ya. Liñi tsa cua'ni ycui' Ndyosi lo'o xcube' Ni ji'i̱ ngu' nu nchcui' cha' cuiñi ji'na jua'a̱.

ROMANOS 6:1

Ndi'ya̱ ñacui̱ na lacua: Ná tso'o si ña'a̱ ti tya cua'ni na cha' cuxi, cha' li' tya quiña'a̱ la cha' tso'o cua'ni ycui' Ndyosi lo'o na, nti' na.

ROMANOS 6:15

Ná tso'o ñacui̱ na cha' juani nga'aa ntsu'u cha' taquiya' na ji'i̱ cha' cusu' bi', cha' ndaquiya' na ji'i̱ cha' nu nchcui' ycui' Ndyosi nu xcui' cha' xlya'be ti ndu'ni lo'o na. Ná tso'o laca si tya cua'ni la na cha' cuxi li', cha' nga'aa ntsu'u chacuayá' ji'na cha' cua'ni na jua'a̱.

1 TIMOTEO 6:11

Lo'o nu'u̱ Timoteo, ñati̱ ji'i̱ ycui' Ndyosi laca nu'u̱, bi' cha' xtyanu nu'u̱ ji'i̱ lcaa cha' cuxi bi'; xcui' cha' liñi cua'ni nu'u̱, cua ña'a̱ ca lo cha' tso'o nu nti' ycui' Ndyosi cha' cua'ni na. Tya nxñi tso'o nu'u̱ cha' ji'i̱ ycui' Ndyosi, jua'a̱ cua'ni nu'u̱ cha' tso'o tsa ntsu'u tyiquee nu'u̱ ña'a̱ nu'u̱ ji'i̱ lcaa ñati̱; talo nu'u̱ masi xcube' ngu' jinu'u̱, jua'a̱ cua'ni tya'na ti' nu'u̱ ji'i̱ ñati̱.

TITO 3:8

Nga'a̱ cha' jlya tso'o ti' ma̱ cha' liñi nu nscua na' re, bi' cha' lye chcui' nu'u̱ cha' bi' lo'o lcaa ñati̱ nu ngusñi cha' ji'i̱ ycui' Ndyosi ca bi', cha' xcui' cha' tso'o cua'ni ma̱ li'. Tso'o tsa laca cha' liñi, taca xtyucua cha' bi' ji'i̱ cua ña'a̱ ca ñati̱;

1 PEDRO 5:4

Nu lo'o tyu'u tucua ycui' nu Xu'na na, li' ta Ni na tso'o nu tyacua ji'i̱ ma̱. Ná nga'a̱ cha' tye tsiya' ti na nu ta Ni ji'i̱ lcaa na nu ntsu'u cña ji'na cha' ña'a̱si̱i̱ na ji'i̱ taju ñati̱ ji'i̱ Ni; si'i ñi'ya̱ nti' ngana nu caja ji'na lo'o ndyu'ni na cña nde chalyuu nu yala ti tye bi'.

1 JUAN 3:4

Si ndu'ni na cha' cuxi, laca cha' ná ntaja'a̱ na cua'ni na cña nu ngulo ycui' Ndyosi ji'na; ntsu'u qui'ya ji'na xqui'ya cha' ná ntaja'a̱ na taquiya' na ji'i̱ cha' nu nchcui' Ni lo'o na.

APOCALIPSIS 2:20

Pana nde qui'ya nu ntsu'u cha' sta na' hichu̱' ma̱, nacui̱ Ni, laca cha' tya nda ma̱ chacuayá' ji'i̱ nu cuna'a̱ Jezabel bi', cha' culu'u cha' cuxi ji'i̱ ngu' tya'a ma̱. Ycui' ma' nacui̱ ma' cha' laca ma' tu'ba ji'i̱ ycui' Ndyosi, pana ndatsaa tsa ma' bi' ji'i̱ ñati̱ nu ntsu'u cuentya jna'; nclu'u qui'i̱ ji'i̱ ngu' cha' cua'ni ngu' cha' suba' lo'o xa' cuna'a̱, jua'a̱ nclu'u ma' ji'i̱ ngu' cha' cacu ngu' msta̱ nu nscua slo lcui̱ jo'ó ji'i̱ ngu', nacui̱ Ni.