SAN MATEO 5:17 - Chatino Tataltepec

¹⁷ ’Ná culacua ti' ma̱ cha' lijya̱ na' ca nde cha' cua'ni tye na' ji'i̱ cha' cusu'; masi lcaa cha' nu nda ycui' Ndyosi lo'o jyo'o Moisés, masi lcaa cha' nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, ná cuityi̱ na' ji'i̱ cha' bi'. Pana cua lijya̱ na' cha' culu'u liñi na' ji'i̱ ñati̱ ñi'ya̱ nu nti' ñacui̱ lcaa cha' nu nscua lo quityi bi'.

SAN MATEO 5:17 ပူးပေါင်းရင်းမြစ်များ

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN MATEO 7:12

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

SAN LUCAS 16:17

’Ná tlyu cña tye lcaa na nu ntsu'u nde cua̱, jua'a̱ tye tyucui ña'a̱ chalyuu; pana ná tye tsiya' ti ni sca si'yu cha' ji'i̱ lcaa cha' nu cua nda ycui' Ndyosi lo'o na nu ngua sa'ni la.

SAN JUAN 8:5

Cuentya ji'na, cuentya ji'i̱ cha' nu cua nda jyo'o Moisés lo'o na, ntsu'u cha' cujui'i̱ na quee ji'i̱ cho' cua cha' cujuii na ji'i̱. ¿Ñi'ya̱ ñacui̱ ta nu'u̱ ji'i̱?

LOS HECHOS 18:13

ngusta ngu' qui'ya ji'i̱ yu ca slo nu gobernador bi' li': ―Ndya'a̱ nu qui'yu re laja quichi̱ tyi na, pana ná tso'o cha' nu nclu'u yu ji'i̱ ñati̱ ―nacui̱ ngu' ji'i̱ nu laca loo bi'―. Nclu'u yu ji'i̱ ngu' cha' xa' ña'a̱ cua'ni tlyu ngu' ji'i̱ ycui' Ndyosi, masi ná nda gobierno chacuayá' cha' cua'ni ngu' jua'a̱.

LOS HECHOS 21:28

Ngusi'ya ngu' judío bi' ji'i̱ ngu' quichi̱ li': ―Cu'ma̱ ngu' Israel tya'a na ―nacui̱ ngu'―, xtyucua ma̱ ji'i̱ ya ―nacui̱ ngu'―. Cua ngulu'u nu qui'yu re ji'i̱ ngu' lcaa quichi̱ su nguta'a̱ yu cha' ná tso'o na nu laca na ngu' judío; ná tso'o cha' cua'ni tlyu na ji'i̱ cha' nu nguscua jyo'o Moisés, lo'o jua'a̱ ná tso'o laa tlyu re, nacui̱ yu re. Lo'o chaca cha' ni, cua ndyaa lo'o yu re ji'i̱ ngu' xa' tsu' ne' laa tlyu re cha' cua'ni ñu'u̱ ngu' ji'i̱ laa su ndu'ni tlyu na ji'i̱ ycui' Ndyosi.

LOS HECHOS 6:13

Lo'o jua'a̱ ndacua nga'a̱ ngu' nu nchcui' cha' cuiñi bi': ―Lcaa tsa̱ chiya'a̱ nchcui' nu qui'yu re ―nacui̱ ngu' cuiñi bi'―. Nchcui' ca'a̱ yu ji'i̱ laa tonu re, lo'o jua'a̱ nchcui' ca'a̱ yu ji'i̱ quityi nu nscua cña lo, la cui' cña nu ngulo ycui' Ndyosi ji'na ―nacui̱.

ROMANOS 10:4

Pana cua ñaa Jesús chalyuu juani, cua ngusñi na cha' ji'i̱ yu, bi' cha' taca ca tso'o cresiya ji'na cuentya ji'i̱ ycui' Ndyosi; nga'aa nti' cha' taquiya' tsa na cha' cusu' nu cua nda jyo'o Moisés bi', cha' si jua'a̱ taca ca tso'o cresiya ji'na.

ROMANOS 3:31

Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.

ROMANOS 8:4

Lo'o nu juani taca cua'ni na cña nu ngulo Ni ji'na, la cui' cña laca nu nchcui' cha' cusu' bi' cha' cua'ni na; taca cua'ni na ji'i̱ juani, xqui'ya cha' nga'aa caca cojolaqui nu cuxi nu ntsu'u chalyuu ji'na, cha' Xtyi'i ycui' Ndyosi laca loo ji'na lo'o ndi'i̱ na chalyuu juani.