SAN MATEO 4:8 - Chatino Tataltepec

⁸ Lo'o ndye nchcui' ngu', xa' ndyaa lo'o nu xu'na cuiñaja ji'i̱ Jesús nde sca lo xlya ca'ya nu cua̱ tsa. Li' ngulu'u nu xña'a̱ bi' lcaa nasiyu̱ tyucui ña'a̱ chalyuu ji'i̱ Jesús, cha' tso'o tsa ña'a̱ chalyuu bi'.

SAN MATEO 4:8 ပူးပေါင်းရင်းမြစ်များ

SAN MATEO 16:26

Ná tyanu cha' tso'o ji'i̱ ngu' nu lo'o cajaa ngu', masi ngua'ni tsa ngu' ngana nde chalyuu; nguna' lcaa chalyuu ji'i̱ ngu' bi' li', cha' ná taca ta ngu' caya' cha' caja la chalyuu ji'i̱ ngu'.

SAN MATEO 4:5

Lo'o li' ndyaa lo'o nu xu'na cuiñaja ji'i̱ Jesús nde quichi̱ Jerusalén, su tyaca'a tsa ji'i̱ ycui' Ndyosi; ca hique laa tonu ji'i̱ quichi̱ bi' ndyaa ngu', cua̱ tsa ntucua ngu' li'.

SAN JUAN 5:20

Ycui' Sti na' ni, ntsu'u tsa tyiquee Ni ña'a̱ Ni jna', cha' Sñi' ycui' Ni laca na' ―nacui̱ Jesús―. Lcaa cña nu ndu'ni Sti na', nclu'u Ni jna'. Lo'o jua'a̱ tya cua'ni la Ni cña tonu nu bilya ña'a̱ ma̱ ji'i̱, cha' cube ti' ma̱ ji'i̱ ycui' Ni.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.