SAN MATEO 4:7 - Chatino Tataltepec

⁷ Li' nguxacui̱ Jesús cha' ji'i̱ nu xña'a̱ bi': ―Pana ndi'ya̱ nscua cha' lo quityi ji'i̱ ycui' Ndyosi: “Ná chcui' cuayá' ma̱ lo'o ycui' Ndyosi nu Xu'na ma̱”, nacui̱ quityi.

SAN MATEO 4:7 ပူးပေါင်းရင်းမြစ်များ

SAN MATEO 21:16

Hora ti nchcui' ngu' bi' lo'o Jesús: ―¿Ha ná ndyuna nu'u̱ cha' cuiñi nu nchcui' nu sube re cuentya jinu'u̱? ―nacui̱ ngu' bi' ji'i̱ Jesús. ―Cua ndyuna na' ―nacui̱ Jesús li'―. Si'i cha' cuiñi laca cha' nu nchcui' nu sube re. ¿Ha bilya chcui' ma̱ lo quityi nu nscua sca cha' ndi'ya̱?: Ndula tu'ba cubi', ndula tu'ba nu sube cuañi'; chañi cha' ndu'ni tlyu ngu' bi' ji'i̱ ycui' Ndyosi.

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

SAN MATEO 4:4

Lo'o li' nguxacui̱ Jesús cha' ji'i̱: ―Cua nscua sca cha' lo quityi ji'i̱ ycui' Ndyosi ―nacui̱ Jesús ji'i̱―. Ndi'ya̱ nchcui' cha' bi': “Si'i na cu'ú ñati̱ chalyuu lo'o cacu ngu' tyaja ti, masi lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”. Jua'a̱ nscua lo quityi.

SAN LUCAS 4:12

Li' chaca quiya' nguxacui̱ Jesús cha' ji'i̱ nu xña'a̱ bi': ―Lo'o jua'a̱ ndi'ya̱ nchcui' lo quityi ji'i̱ ycui' Ndyosi: “Ná chcui' cuayá' ma̱ lo'o ycui' Ndyosi nu Xu'na ma̱”, nacui̱ quityi.

LOS HECHOS 15:10

Lo'o nu juani, ná ndiya ti' ma̱ cña nu ngua'ni ycui' Ni lo'o ngu' bi'; nti' ma̱ cha' cua'ni ngu' bi' lcaa cña ñi'ya̱ nu nguxtyanu jyo'o Moisés ji'na. Pana tucui tsa cña bi', ná ngua ji'na tsiya' ti cua'ni na lcaa cña bi'; ni lcaa jyo'o cusu' ji'na, ná ngua ji'i̱ ngu' cua'ni ngu' cña tucui bi'.

LOS HECHOS 5:9

―¿Ni cha' laca ngua'ni ma̱ jua'a̱? ―nacui̱ Pedro li'―. Tyucuaa ma̱, cua ngua'ni stu'ba ma̱ cha' lo'o tya'a ma̱ cha' cua'ni cuayá' ma̱ ji'i̱ Xtyi'i ycui' Ndyosi, si jlo ti' Ni, si ná jlo ti' Ni cha' cuiñi ma̱ ―nacui̱―. Cua'a̱ jyaca̱ xi ñi'ya̱ ndañi quiya' ngu' cuañi' nu lijya̱ ndyaa nguxatsi' ngu' ji'i̱ jyo'o clyo'o nu'u̱. La cui' jua'a̱ tsaa lo'o ngu' jinu'u̱ juani.

1 CORINTIOS 10:9

Jua'a̱ ná tso'o cha' xtyí lo'o ti na ji'i̱ ycui' Ndyosi nu Xu'na na, cha' quiña'a̱ tsa cha' clyu ti' ngüi'ya Ni ji'na. Jua'a̱ ngua'ni ngu' bi' nu ngua sa'ni, li' ngusu'ba Ni cuaña lijya̱ cha' ndyujuii ni' ji'i̱ ngu' bi'.

HEBREOS 3:9

Ngua ti' jyo'o cusu' ji'i̱ ma̱ cha' cua'ni cuxi ngu' lo'o na' nu ngua li'; cua nxtyí lo'o ti ngu' 'na tyucui tu'ba yija̱, masi na'a̱ ngu' lcaa cha' tlyu nu cua ngua'ni na' cuentya ji'i̱ ngu' lcaa yija̱ bi', nacui̱ Ni.