SAN MATEO 4:4 - Chatino Tataltepec

⁴ Lo'o li' nguxacui̱ Jesús cha' ji'i̱: ―Cua nscua sca cha' lo quityi ji'i̱ ycui' Ndyosi ―nacui̱ Jesús ji'i̱―. Ndi'ya̱ nchcui' cha' bi': “Si'i na cu'ú ñati̱ chalyuu lo'o cacu ngu' tyaja ti, masi lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”. Jua'a̱ nscua lo quityi.

SAN MATEO 4:4 ပူးပေါင်းရင်းမြစ်များ

SAN MATEO 15:11

Si'i sca na nu ndacu ti ngu' nu ndu'ni cha' caca cuxi tyiquee ngu'; cha' nu ndyu'u nde tu'ba ngu', masi lcaa cha' nu nchcui' ngu' ni, xqui'ya cha' bi' caca cuayá' ti' na si ngunu'u̱ tyiquee ngu'.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

SAN MATEO 4:7

Li' nguxacui̱ Jesús cha' ji'i̱ nu xña'a̱ bi': ―Pana ndi'ya̱ nscua cha' lo quityi ji'i̱ ycui' Ndyosi: “Ná chcui' cuayá' ma̱ lo'o ycui' Ndyosi nu Xu'na ma̱”, nacui̱ quityi.

SAN MARCOS 7:20

Tya nchcui' la Jesús lo'o ngu' bi' li': ―Sca cha' nu nchcui' ñati̱, sca cha' nu ndyu'ni ñati̱, jua'a̱ caca cuayá' ti' na si ntsu'u cha' cuxi ne' cresiya ji'i̱ ngu' bi'.

SAN LUCAS 4:12

Li' chaca quiya' nguxacui̱ Jesús cha' ji'i̱ nu xña'a̱ bi': ―Lo'o jua'a̱ ndi'ya̱ nchcui' lo quityi ji'i̱ ycui' Ndyosi: “Ná chcui' cuayá' ma̱ lo'o ycui' Ndyosi nu Xu'na ma̱”, nacui̱ quityi.

SAN LUCAS 4:4

Li' nchcui' Jesús lo'o: ―Lo quityi ji'i̱ ycui' Ndyosi nscua cha' ndi'ya̱: “Si'i na cu'ú ñati̱ chalyuu cha' cacu ngu' tyaja ti; lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”, ―nacui̱ Jesús ji'i̱ nu xña'a̱ bi'.

SAN LUCAS 4:8

Li' nguxacui̱ Jesús cha' ji'i̱: ―Tyatsu' nu'u̱ slo na', Satanás ―nacui̱―. Lo quityi ji'i̱ ycui' Ndyosi ndi'ya̱ nchcui': “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ nde chalyuu”. Si'i loo nu'u̱ tyu̱ sti̱' na' lacua ―nacui̱ Jesús ji'i̱.

SAN JUAN 15:26

’Cua'ni na' cha' ca̱a̱ nu laca Xtyi'i ycui' Ni lo yuu, Xtyi'i nu ndu'u slo ycui' Ndyosi ―nacui̱ Jesús―. Bi' laca nu culu'u ji'i̱ ma̱ lcaa cha' nu liñi ca, bi' laca nu xtyucua ji'i̱ ma̱ lcaa tyempo chacuayá' 'na. Nu lo'o ca̱a̱ nu bi' lo yuu, li' culu'u Ni lcaa cha' liñi nu ntsu'u 'na ji'i̱ ma̱ ―nacui̱ Jesús―.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

ROMANOS 15:4

Lcaa quityi nu nguscua jyo'o cusu' tya sa'ni la ni, nclyu'u quityi bi' ji'na ñi'ya̱ nu caca jatya na ji'i̱ sca cha' nu lijya̱ nde loo la; nda quityi cha' lo'o na ñi'ya̱ xtyucua ycui' Ndyosi ji'na cha' talo tsa tyiquee na laja lo'o ndu̱ ti' na ji'i̱ Ni.

EFESIOS 6:17

Smalyu chcua̱ ntucua hique ngu' sendaru cha' cua'a ji'i̱ hique ngu'. Lo'o jua'a̱ cu'ma̱, cua ngua'ni lyaá Ni ji'i̱ ma̱, bi' cha' ntsu'u nu ña'a̱si̱i̱ ji'i̱ ma̱ li'. Xñi ma̱ lcaa cha' nu nda Xtyi'i ycui' Ndyosi lo'o ma̱ cha' caja ñi'ya̱ nu chcui' ma̱ lo'o sca ñati̱, ñi'ya̱ laca si cua ngusñi ma̱ sca maxtyi cusu̱u̱ ji'i̱ sendaru.