SAN MATEO 4:22 - Chatino Tataltepec

²² Hora ti nguxtyanu ngu' ji'i̱ sti ngu' lo'o yaca ni'i̱ ji'i̱ ngu', ndyaa ngu' lo'o Jesús li'.

SAN MATEO 4:22 ပူးပေါင်းရင်းမြစ်များ

SAN MATEO 10:37

’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

SAN MATEO 4:21

Lo'o nde loo la xi na'a̱ Jesús ji'i̱ Jacobo sñi' Zebedeo lo'o Juan tya'a ngula yu; nga'a̱ ngu' ne' yaca ni'i̱ sube ji'i̱ ngu' lo'o sti ngu', ndyu'ni cho'o ngu' taraya ji'i̱ ngu'. Li' ngusi'ya Jesús ji'i̱ ngu' bi', cha' tsaa ngu' lo'o.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN MARCOS 1:20

Li' ngusi'ya Jesús ji'i̱ ngu' cha' tsaa ngu' lo'o yu. Hora ti nguxtyanu ngu' ji'i̱ Zebedeo sti ngu', ndyanu nu cusu' bi' lo'o msu ji'i̱ ne' yaca ni'i̱ sube ti. Ndu'u ngu' ndyaa tyucuaa sñi' nu cusu' bi' lo'o Jesús.

SAN LUCAS 14:26

―¿Ha nti' ma̱ tya'a̱ ma̱ lo'o na'? Ná caca ji'i̱ ma̱ xñi ma̱ cha' jna' si lye la ntsu'u tyiquee ma̱ ji'i̱ sti ma̱, masi ji'i̱ xtya'a̱ ma̱, masi ji'i̱ clyo'o ma̱, masi ji'i̱ sñi' ma̱, masi ji'i̱ tya'a ngula ma̱ masi qui'yu masi cuna'a̱; masi lye la ntsu'u tyiquee ma̱ ji'i̱ ycui' ca ti ma̱ cha' ña'a̱si̱i̱ ma̱ ji'i̱ ycui' ca ma̱, ná taca caca ma̱ ñati̱ jna' jua'a̱.

SAN LUCAS 14:33

Lo'o jua'a̱ cua ña'a̱ ca cu'ma̱ nu lye la ntsu'u tyiquee ma̱ ji'i̱ lcaa cha' tso'o nu ntsu'u ji'i̱ ma̱, ná taca caca ma̱ ñati̱ jna' li'.

SAN LUCAS 5:11

Lo'o ndyalaa yaca ni'i̱ bi' ca to tayu' chaca quiya', li' nguxtyanu ngu' bi' ji'i̱ yaca ni'i̱, ndu'u ngu' ndyaa ngu' lo'o Jesús li'.

2 CORINTIOS 5:16

Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.