SAN MATEO 4:21 - Chatino Tataltepec

²¹ Lo'o nde loo la xi na'a̱ Jesús ji'i̱ Jacobo sñi' Zebedeo lo'o Juan tya'a ngula yu; nga'a̱ ngu' ne' yaca ni'i̱ sube ji'i̱ ngu' lo'o sti ngu', ndyu'ni cho'o ngu' taraya ji'i̱ ngu'. Li' ngusi'ya Jesús ji'i̱ ngu' bi', cha' tsaa ngu' lo'o.

SAN MATEO 4:21 ပူးပေါင်းရင်းမြစ်များ

SAN MATEO 10:2

Nde nscua na' xtañi ca ta'a tii tyucuaa tya'a ngu' nu ngusubi Jesús: nu clyo ngusubi yu ji'i̱ Simón, nu lo'o ndu'ni ngu' Pedro ji'i̱, lo'o Andrés tya'a ngula nu Simón bi'; li' ngusubi yu ji'i̱ Jacobo, lo'o Juan tya'a ngula Jacobo, nu laca sñi' Zebedeo;

SAN MATEO 17:1

Lo'o cua ndya'a scuá tsa̱, li' ndyaa lo'o Jesús ji'i̱ Pedro lo'o Jacobo lo'o Juan tya'a ngula Jacobo bi'; jacua tya'a ngu' bi' ndyaa ngu' lo xlya ca'ya cua̱.

SAN MATEO 26:37

Li' tya ndyaa la xi Jesús lo'o Pedro lo'o tyucuaa sñi' Zebedeo. Ngua'ya sca cha' nu xñi'i̱ tsa ti' Jesús xqui'ya cña tlyu nu cua tyacua ti ji'i̱.

SAN MATEO 4:20

Hora ti nguxtyanu ngu' ji'i̱ taraya ji'i̱ ngu', ndyaa lca'a̱ ngu' ji'i̱ Jesús li'.

SAN MATEO 4:22

Hora ti nguxtyanu ngu' ji'i̱ sti ngu' lo'o yaca ni'i̱ ji'i̱ ngu', ndyaa ngu' lo'o Jesús li'.

SAN MARCOS 3:17

lo'o li' ngusubi yu ji'i̱ tyucuaa sñi' Zebedeo, nu Jacobo lo'o Juan, nu nchcui' Jesús cha' sñi' tyi'yu laca ngu', (jua'a̱ ndyu'u cha' Boanerges cha'cña ji'i̱ ngu' bi');

SAN MARCOS 5:37

Lo'o li' ná nda Jesús chacuayá' ji'i̱ ñati̱ cha' tsaa ngu' lo'o yu; sca ti ji'i̱ Pedro, lo'o Jacobo, lo'o Juan tya'a Jacobo, nda yu chacuayá' tsaa ngu' lo'o yu.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

LOS HECHOS 12:2

Ngulo rey bi' cña ji'i̱ msu ji'i̱ cha' cujuii ngu' ji'i̱ Jacobo lo'o maxtyi. (Jacobo bi' ngua tya'a ngula Juan.)