SAN MATEO 4:19 - Chatino Tataltepec

¹⁹ Lo'o li' nchcui' Jesús lo'o tyucuaa nu qui'yu bi': ―Tsaa ma̱ lo'o na' juani ―nacui̱ Jesús ji'i̱ ngu' bi'―. Ñi'ya̱ ngujui cualya ji'i̱ ma̱ lo'o nguta'a̱ ma̱ cuta cualya, jua'a̱ caja xa' cña ji'i̱ ma̱ juani cuentya jna'; culu'u na' ji'i̱ ma̱ ñi'ya̱ nu clyana ma̱ ji'i̱ ñati̱ chalyuu re nu nguna' tsa ndu'ni, cha' caca ngu' ñati̱ 'na.

SAN MATEO 4:19 ပူးပေါင်းရင်းမြစ်များ

SAN MATEO 16:24

Li' ngulu'u la Jesús ji'i̱ nu ngu' nu ndyaca tsa'a̱ ji'i̱ bi': ―Si ntsu'u ñati̱ nu chañi cha' nti' ngu' tsaa ngu' lo'o na' ―nacui̱―, nga'a̱ cha' xtyanu ngu' bi' ji'i̱ lcaa cha' nu ntsu'u tsa tyiquee ngu' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' xqui'ya na'.

SAN MATEO 19:21

―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.

SAN MATEO 4:18

Lo'o ngua sca tsa̱ ndya'a̱ Jesús to' tayu' Galilea bi'. Li' na'a̱ yu ji'i̱ Simón lo'o Andrés tya'a ngula Simón, nchcu̱ ngu' taraya lo hitya cha' xñi ngu' cualya, cha' bi' laca cña nu ndu'ni ngu' bi' lcaa tsa̱. Lo'o nu Simón bi' ni, Pedro ndu'ni ngu' ji'i̱.

SAN MATEO 4:20

Hora ti nguxtyanu ngu' ji'i̱ taraya ji'i̱ ngu', ndyaa lca'a̱ ngu' ji'i̱ Jesús li'.

SAN MATEO 8:22

Li' nguxacui̱ Jesús cha' ji'i̱ yu: ―Tso'o la masi ca̱a̱ lca'a̱ nu'u̱ 'na juani ti ―nacui̱ Jesús ji'i̱―. Tya ntsu'u xi xa' la ñati̱ chalyuu tya'a ma̱ nu taca xatsi' ji'i̱ ñati̱ nu cua ngujuii.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

SAN MARCOS 2:14

Laja lo'o ndya'a̱ ti Jesús, li' nteje tacui yu to' ni'i̱ su ntucua Leví sñi' Alfeo nu nxñi cñi cña loo ngu' cuentya ji'i̱ ngu' xa' tsu' nu laca loo. ―Tsaa nu'u̱ lo'o na' ―nacui̱ Jesús ji'i̱ nu Leví bi'. Lo'o li' hora ti ndyatu̱ Leví nguxana yu ndya'a̱ yu lo'o Jesús.

SAN LUCAS 5:27

Ca tiya' la lo'o ndyaa Jesús xi lquichi̱, li' na'a̱ yu ji'i̱ sca ñati̱ ca su ntucua yu nclyo yu cñi cña loo ngu'; Leví naa nu qui'yu bi'. Cña laca yu cha' culo yu cñi ji'i̱ ñati̱ cuentya ji'i̱ ngu' xa' tsu'. Li' nacui̱ Jesús ji'i̱ yu: ―Tya̱a̱ lca'a̱ nu'u̱ jna' ―nacui̱.

SAN LUCAS 9:59

Lo'o li' nacui̱ Jesús ji'i̱ chaca nu qui'yu: ―Ca̱a̱ tya'a̱ nu'u̱ lo'o na' ―nacui̱. ―Cusu' ―nacui̱ yu ji'i̱ Jesús li'―, ta nu'u̱ xi tyempo jna' cha' tyanu na' lo'o sti na' ña'a̱ cuayá' nu cajaa sti na', cha' ña'a̱ na' ji'i̱ tyatsi'.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN JUAN 12:26

Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 21:22

Nguxacui̱ Jesús cha' ji'i̱ Pedro li': ―Ná culacua tsa ti' nu'u̱ ―nacui̱ yu ji'i̱―. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱ ji'i̱ cha' bi' ―nacui̱ Jesús―. Nu'u̱ ni, tya'a̱ nu'u̱ lo'o na'.

2 CORINTIOS 12:16

Ná quiña'a̱ tsa cñi nguliji ma̱ lo na' li'; pana ña'a̱ ti tya ntsu'u xi ngu' tya'a ma̱ nu nchcui' cha' cua nguñilo'o na' ji'i̱ ma̱ cha' cua'ni na' ngana ji'i̱ ma̱.