SAN MATEO 4:12 - Chatino Tataltepec

¹² Ca tiya' la ndu'u Jesús ndyaa, cha' ndyuna yu cha' cua ntejeya' ngu' ji'i̱ Juan, ndyaa lo'o ngu' ji'i̱ yu ne' chcua̱. Li' nguxtyu̱u̱ Jesús chaca quiya' nde quichi̱ Nazaret, nde loyuu su cuentya Galilea.

SAN MATEO 4:12 ပူးပေါင်းရင်းမြစ်များ

SAN MATEO 11:2

Tya nga'a̱ Juan ne' chcua̱, pana cua ndyuna nu Juan bi' ji'i̱ lcaa ña'a̱ cña nu ndyu'ni Jesús nu laca Cristo; bi' cha' ngulo Juan cña ji'i̱ ngu' nu ndyaca tsa'a̱ ji'i̱, cha' tsaa ngu' bi' slo Jesús,

SAN MATEO 14:3

Ntsi̱i̱ Herodes bi' ni, cha' cua ngusñi yu ji'i̱ Juan bi' tya tsubi' la, ngusca̱' yu ji'i̱ lo'o ngusu'ba yu ji'i̱ ne' chcua̱. Ngua'ni nu cusu' bi' cha' cuxi bi' xqui'ya Herodías clyo'o Felipe tya'a ycui' Herodes bi'.

SAN MARCOS 1:14

Lo'o ca tiya' la ngusu'ba ngu' ji'i̱ Juan ne' chcua̱. Li' nguxtyu̱u̱ Jesús nde loyuu su cuentya Galilea, nclyu'u yu ji'i̱ ngu' ñi'ya̱ laca cha' tso'o ji'i̱ ycui' Ndyosi.

SAN MARCOS 6:17

Tya tsubi' la ngulo rey Herodes bi' cña ji'i̱ ngu' cha' tsaa ngu' xñi ngu' ji'i̱ nu Juan bi', cha' tsaa lo'o ngu' ji'i̱ ne' chcua̱. Ngua'ni rey cha' cuxi bi' xqui'ya Herodías nu ngua clyo'o Felipe tya'a Herodes, cha' cua ngusna lo'o Herodes ji'i̱ nu cuna'a̱ bi', cha' caja clyo'o lo'o.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN LUCAS 3:20

Pana ná ndaquiya' Herodes bi' ji'i̱ cha' nu nchcui' Juan lo'o, masi cuxi la ngua'ni yu, cha' ngusu'ba yu ji'i̱ Juan ne' chcua̱.

SAN LUCAS 4:14

Li' nguxtyu̱u̱ Jesús ndyaa nde loyuu su cuentya Galilea chaca quiya'. Tlyu tsa chacuayá' ngujui ji'i̱ Jesús xqui'ya Xtyi'i ycui' Ndyosi, ña'a̱ cuayá' tyucui ña'a̱ loyuu ca bi' ndañi nchcui' ngu' cha' ji'i̱ yu.

SAN LUCAS 4:31

Li' cua ndi'i̱ Jesús nde quichi̱ Capernaum, sca quichi̱ nu ndi'i̱ nde loyuu su cuentya Galilea bi'. Nu lo'o ngua tsa̱ nu ndi'i̱ cña' ngu', li' nguxana Jesús ngulu'u yu ji'i̱ ngu' ca ne' laa ji'i̱ ngu'.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 3:24

Tya lyiji su'ba ngu' ji'i̱ Juan ne' chcua̱ tyempo bi'.

SAN JUAN 4:43

Lo'o ndu'u scua tucua tsa̱ bi', li' ngutu'u Jesús loyuu su cuentya Samaria ndyaa nde loyuu su cuentya Galilea.

SAN JUAN 4:54

Cua ngua tucua quiya' nu ngua'ni Jesús sca cña tonu cuentya ji'i̱ ycui' Ndyosi nde loyuu su cuentya Galilea bi', tya lo'o nguxtyu̱u̱ yu nde Galilea.