SAN MATEO 4:11 - Chatino Tataltepec

¹¹ Li' ndu'u xu'na cuiñaja ndyaa. Li' ndu'u tucua xca̱ ji'i̱ ycui' Ndyosi cha' xtyucua ngu' ji'i̱ Jesús, cha' ta ngu' xi juersa ji'i̱ yu.

SAN MATEO 4:11 ပူးပေါင်းရင်းမြစ်များ

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 4:6

―¿Ha chañi cha' nu sca ti Sñi' ycui' Ndyosi laca nu'u̱? ―nacui̱ nu xña'a̱ ji'i̱ Jesús―. Tso'o si tyú nu'u̱ ca lo yuu lacua, cha' cua nscua sca cha' lo quityi ji'i̱ ycui' Ndyosi ndi'ya̱: Culo ycui' Ndyosi cña ji'i̱ xca̱ ji'i̱ Ni cha' ña'a̱si̱i̱ ngu' jinu'u̱, nacui̱ quityi. Lo'o jua'a̱ nscua chaca cha': Lo'o ya' ti xca̱ ji'i̱ Ni xatu̱ ngu' jinu'u̱, cha' ná ca quicha quiya' nu'u̱ su tyú nu'u̱ chu̱' quee. Jua'a̱ nscua lo quityi ―nacui̱ nu xña'a̱.

SAN MARCOS 1:13

Ndyaa Jesús li', tu'ba tsa̱ ndyanu yu ycui' ti yu ne' quixi̱', lo'o jua'a̱ ndi'i̱ na'ni tyaala ne' quixi̱' bi'. Li' ndyalaa Satanás slo yu, ngua ti' tyiji̱loo ji'i̱ Jesús si cua'ni ca yu cña cuxi. Lo'o cua ndye cha' bi', li' ndyalaa xca̱ ji'i̱ ycui' Ndyosi slo Jesús cha' xtyucua ngu' ji'i̱ yu, cha' ta ngu' xi juersa ji'i̱ yu.

SAN LUCAS 22:43

Li' ndu'u tucua sca xca̱ nu ngutu'u slo ycui' Ndyosi nde cua̱, cha' ta la juersa ji'i̱ Jesús.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

SAN LUCAS 4:13

Cua ndye nchcui' nu xña'a̱ bi' lo'o Jesús li', lo'o ná ngua ji'i̱ tyiji̱loo ji'i̱ yu tsiya' ti. Hora ti ndu'u nu xña'a̱ bi' ndyaa li'; ca tiya' la caja ñi'ya̱ caca nu tyiji̱loo ji'i̱ Jesús, ngua ti'.

SAN JUAN 14:30

’Nga'aa quiña'a̱ tsa cha' chcui' na' lo'o ma̱ juani ―nacui̱ Jesús li'―. Cua lijya̱ nu xña'a̱ nu laca loo nde chalyuu, cua lijya̱ nu bi' ca su ndi'i̱ na re. Ná ntsu'u chacuayá' ji'i̱ nu bi' cha' caca loo jna'.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

HEBREOS 1:6

Tya clyo lo'o cua ta ti ycui' Ndyosi ji'i̱ Sñi' ycui' ca Ni cha' ca̱a̱ yu chalyuu, li' nacui̱ Ni: Lcaa xca̱ nu ntsu'u cuentya jna' nde cua̱, nga'a̱ cha' cua'ni tlyu ngu' xca̱ bi' ji'i̱ Sñi' na'.