SAN MATEO 3:6 - Chatino Tataltepec

⁶ Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

SAN MATEO 3:6 ပူးပေါင်းရင်းမြစ်များ

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN MARCOS 1:5

Ndyu'u ti'i̱ quiña'a̱ tsa ñati̱ slo Juan; ñaa ngu' quichi̱ sube ti nu ndi'i̱ loyuu su cuentya Judea slo yu, lo'o jua'a̱ ñaa ngu' Jerusalén nu quichi̱ tonu bi' slo yu. Nu ñati̱ nu ngua tyuju'u tsa ti' ji'i̱ cha' cuxi nu ntsu'u ji'i̱ ngu' ni, ngüijña ngu' ji'i̱ ycui' Ndyosi cha' cuityi̱ Ni cha' cuxi bi', lo'o li' ntyucuatya Juan ji'i̱ ngu' bi' lo hitya sta'a̱ Jordán.

SAN LUCAS 1:16

Cua'ni yu cha' xa' caca tso'o cresiya ji'i̱ quiña'a̱ tya'a ngu' Israel, cha' taquiya' ngu' ji'i̱ ycui' Ndyosi nu Xu'na ngu'.

SAN LUCAS 3:16

Li' nchcui' Juan lo'o lcaa ngu' nu ndi'i̱ bi': ―Lo'o hitya ti ntyucuatya na' ji'i̱ ma̱ ―nacui̱ Juan―, pana cua ca̱a̱ ti chaca ñati̱ slo cu'ma̱ nu nchca la ji'i̱ que na'. Lo'o na' cua'ni tlyu na' ji'i̱ ñati̱ bi'. Tso'o tsa cña ngujui 'na nti' na', masi caña ntsu'u quiya' ñati̱ bi' sati̱' na' juata. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti, pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu', nu lo'o tyucuatya yu ji'i̱ ngu'. Lo'o li' cua'ni lubii Ni ji'i̱ ngu' bi' lo'o xee ji'i̱ Ni, cha' jua'a̱ caca tso'o tyiquee ngu' ―nacui̱―.

LOS HECHOS 1:5

Clyo cua ntyucuatya Juan ji'i̱ ñati̱ lo'o hitya ti; pana cua tyalaa ti tsa̱ nu ca̱a̱ Xtyi'i ycui' Ndyosi cha' tyanu ne' cresiya ji'i̱ ma̱, jua'a̱ tyucuatya ycui' Ndyosi ji'i̱ ma̱.

LOS HECHOS 11:16

Ntsu'u ti' na' li', cha' tya tsubi' la nchcui' ycui' nu Xu'na na lo'o na ndi'ya̱: “Tsubi' cua ntyucuatya Juan ji'i̱ ñati̱ lo'o hitya ti”, nacui̱, “pana xa' ña'a̱ cua'ni ycui' Ndyosi cha' caca lubii cresiya ji'i̱ ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱”.

LOS HECHOS 19:18

Lo'o li' ya̱a̱ tyu̱u̱ tya'a ngu' nu cua ngusñi cha' ji'i̱ Jesús, nu ntyuju'u tsa ti' ji'i̱ lcaa cha' cuxi nu ngua'ni ngu';

LOS HECHOS 22:16

Nga'aa ntsu'u cha' jatya la nu'u̱ ca nde; tyatu̱ clya nu'u̱ juani; cua ngüityi̱ ycui' Ni qui'ya nu ntsu'u jinu'u̱, xqui'ya cha' ngusñi nu'u̱ cha' ji'i̱ Jesús. Lo'o li' tyucuatya ngu' jinu'u̱.” Jua'a̱ nchcui' Ananías lo'o na' li'.

1 CORINTIOS 10:2

Coo nu ndacui bi', lo'o jua'a̱ hitya tyujo'o bi', bi' laca nu ngua'ni cha' ngusñi ngu' cha' ji'i̱ Moisés; bi' cha' ngutu'u lca'a̱ ngu' ji'i̱, ñi'ya̱ laca cha' lo'o tyucuatya na cuentya ji'i̱ Jesús.

COLOSENSES 2:12

Lo'o cua ntyucuatya ma̱ ni, ñi'ya̱ laca si cua nguatsi' ma̱ ne' cuaá lo'o Cristo, jua'a̱ laca ma̱ lo'o Cristo; lo'o li' ñi'ya̱ si cua ndyu'ú ma̱ stu'ba ti lo'o Cristo chaca quiya', jua'a̱ laca cha' bi' li'. Ycui' Ndyosi laca nu ndu'ni cha' tyu'ú ma̱, xqui'ya cha' ntsu'u cha' ji'i̱ ma̱ lo'o Ni.

HEBREOS 6:2

jua'a̱ cua nchcui' na ñi'ya̱ caca tyucuatya na chacuayá' ji'i̱ Cristo, ñi'ya̱ caca sta ya' ngu' hique na chacuayá' ji'i̱ Cristo; cua nchcui' na cha' tya tyu'ú na chaca quiya' nde loo la, masi cua ngujuii na, cha' li' ntsu'u cha' cua'ni cuayá' Ni ji'i̱ lcaa na lo'o tya'a na.

HEBREOS 9:10

Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'.

SANTIAGO 5:16

Bi' cha' lacua, ñii ma̱ ji'i̱ ngu' tya'a ma̱ si ntsu'u qui'ya ji'i̱ ma̱, cuati jña ma̱ cha' clyu ti' ji'i̱ ngu' tya'a ma̱ lo'o ycui' Ndyosi, cha' ca tso'o tyucui ña'a̱ ma̱ chaca quiya'. Quiña'a̱ tsa cña caca ji'i̱ sca ñati̱ nu lubii cresiya ji'i̱ cuentya ji'i̱ ycui' Ndyosi, nu lo'o jña yu sca cha' ji'i̱ Ni.

1 PEDRO 3:21

Ñi'ya̱ nu ngua'ni lyaá Ni ji'i̱ ngu' nu nguta'a̱ ne' yaca ni'i̱ bi' lo hitya nu ngua sa'ni la, cha' ndaquiya' ngu' bi' ji'i̱ cha' nu nchcui' ycui' Ni; jua'a̱ clyaá ma̱ juani, cha' cua ndaquiya' ma̱ ji'i̱ cha' nu nchcui' Ni. Cua ndyaa ma̱ lo hitya cha' tyucuatya ma̱ li'. Si'i na caata ti na chcu laca cha' bi', si'i cha' cuu' cuaña' na, bi' cha' tyucuatya na li'; ndi'ya̱ laca cha': na cua ndijña na ji'i̱ ycui' Ndyosi cha' cua'ni lubii Ni ji'i̱ cresiya ji'na xqui'ya cha' cua ndyu'ú Jesucristo chaca quiya', bi' cha' ntyucuatya na.

1 JUAN 1:9

Pana taca jlya ti' na ji'i̱ ycui' Ndyosi cha' cua'ni clyu ti' Ni ji'na ji'i̱ qui'ya nu ntsu'u ji'na, nu lo'o ñii na ji'i̱ Ni cha' ntsu'u qui'ya ji'na. Tso'o tsa ndu'ni Ni lo'o na li'; hasta cuityi̱ Ni lcaa cha' cuxi nu ntsu'u ne' cresiya ji'na, xqui'ya cha' ngujuii Jesús lo crusi.