SAN MATEO 3:17 - Chatino Tataltepec

¹⁷ Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

SAN MATEO 3:17 ပူးပေါင်းရင်းမြစ်များ

SAN MATEO 12:18

Ña'a̱ ma̱ ji'i̱ msu 'na nu cua ngusubi na' ji'i̱, nacui̱ ycui' Ni. Tyaca'a tsa bi' jna', lo'o tso'o tsa ntsu'u tyiquee na' ña'a̱ na' ji'i̱ yu bi'. Cua'ni na' cha' ca'ya Xtyi'i ycui' na' lo yu bi', cha' chcui' yu lo'o lcaa ñati̱, masi si'i ngu' judío laca ngu'. Culu'u yu ji'i̱ ngu' ñi'ya̱ laca cha' liñi nu ndu'ni na' lo'o ñati̱, nacui̱ ycui' Ndyosi.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN MARCOS 9:7

Lo'o li' ndu'u tucua sca coo nguxi̱i̱ tyucui ña'a̱ hichu̱' ngu' su ndu̱ ngu', li' nguañi nchcui' ycui' Ndyosi lo'o ngu' laja coo bi': ―La cui' yu re laca nu sca ti Sñi' na' ―nacui̱ Ni―, tyaca'a tsa yu 'na. Cua'a̱ jyaca̱ ma̱ ji'i̱ yu re lo'o chcui' yu lo'o ma̱.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN LUCAS 9:35

Li' nguañi xtyi'i sca ñati̱, pana hora ti ngua cuayá' ti' ngu' cha' nchcui' ycui' Ndyosi laja coo bi'. ―La cui' yu re laca Sñi' na'; tyaca'a tsa yu 'na ―nacui̱ Ni―. Cua'a̱ jyaca̱ ma̱ ji'i̱ cha' nu chcui' yu re lo'o ma̱ ―nacui̱ Ni.

SAN JUAN 5:20

Ycui' Sti na' ni, ntsu'u tsa tyiquee Ni ña'a̱ Ni jna', cha' Sñi' ycui' Ni laca na' ―nacui̱ Jesús―. Lcaa cña nu ndu'ni Sti na', nclu'u Ni jna'. Lo'o jua'a̱ tya cua'ni la Ni cña tonu nu bilya ña'a̱ ma̱ ji'i̱, cha' cube ti' ma̱ ji'i̱ ycui' Ni.

SAN JUAN 5:37

Jua'a̱ ngulu'u liñi Sti na' cha' 'na ji'i̱ ma̱, cha' la cui' Sti na' laca nu cua nda jna' lijya̱a̱. Lo'o cu'ma̱ ni, bilya cuna ma̱ cha' nu nchcui' Ni, bilya ña'a̱ ma̱ ji'i̱ ycui' Ni.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

2 PEDRO 1:17

ngua'ni tlyu ycui' Ndyosi Sti Jesús ji'i̱ yu, ndubi tsa ña'a̱ ngua tyucui ña'a̱ loo Jesús lo'o xee ji'i̱ ycui' Ni li'. Masi ná na'a̱ ya ji'i̱ ycui' Ndyosi nu laca loo ji'i̱ lcaa xu'na chalyuu, pana jlo ti' ya cha' nguti'i̱ Ni cacua ti tsa̱ bi', cha' li' ndyuna ya lo'o nchcui' Ni lo'o ngu'. Ndi'ya̱ nacui̱ Ni: “Nu nde laca Sñi' na' nu tyaca'a tsa 'na. Tso'o tsa ntsu'u tyiquee na' ña'a̱ na' ji'i̱ yu”, nacui̱ Ni.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.

APOCALIPSIS 14:2

Cui̱i̱ nguañi nde su ntucua ycui' Ndyosi li'; ñi'ya̱ ndañi ndyalú hitya sca sta'a̱ clyaa to' quee jaa' su cua̱ tsa ndyalú hitya, ñi'ya̱ ndañi lo'o lye tsa nchcui' tyi'yu, jua'a̱ nguañi bi', ngua ti' na'. Ndacua ndu̱ tyu̱u̱ tya'a ñati̱ nu tso'o tsa ntyiji'i̱ ya' ngu' lo sañi, ngua ti' na';