SAN MATEO 3:14 - Chatino Tataltepec

¹⁴ Lo'o li' ngua ti' Juan cua'a yu ji'i̱ Jesús. ―Ná tso'o tyucuatya na' jinu'u̱ ―nacui̱ Juan ji'i̱―. Tso'o la tyucuatya ycui' nu'u̱ jna'.

SAN MATEO 3:14 ပူးပေါင်းရင်းမြစ်များ

SAN MATEO 3:13

Tyempo bi' lo'o nga'a̱ Juan to' sta'a̱ Jordán, ndu'u Jesús nde loyuu su cuentya Galilea lijya̱ ca slo Juan, cha' lo'o ngua ti' Jesús cha' tyucuatya Juan ji'i̱.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN LUCAS 1:43

¿Tilaca ta laca na' cha' cua ndyalaa nu'u̱ nu caca xtya'a̱ nu Xu'na na ca slo na'?

SAN JUAN 1:16

Lcaa na tsiya' ti ntsu'u ji'i̱ Jesús, lo'o lcaa tsa̱ ndyiji cha' tso'o ji'na xqui'ya Jesús.

ROMANOS 1:13

Cu'ma̱ tya'a ngusñi na cha' ji'i̱ Jesús, nti' na' cha' caca cuayá' ti' ma̱ ñi'ya̱ nu ntsu'u tyiquee na' ña'a̱ na' ji'i̱ cu'ma̱. Tyu̱u̱ quiya' ngua ti' na' ca̱a̱ na' ca su ndi'i̱ ma̱, pana hasta juani bilya caja ñi'ya̱ caca nu ca̱a̱ na'. Ñi'ya̱ nu ngua'ni na' ca xa' loyuu chalyuu, jua'a̱ cua nti' na' cha' caca su ndi'i̱ cu'ma̱; nti' na' cha' taquiya' xa' la ñati̱ cha' ji'i̱ Jesús, lo'o jua'a̱ nti' na' cha' tya culu'u la na' cha' bi' ji'i̱ ma̱.

ROMANOS 3:23

Lcaa na ntsu'u qui'ya ji'na cuentya ji'i̱ ycui' Ndyosi, cha' ná ngua'ni na tsiya' ti cña nu nti' Ni cha' cua'ni na.

ROMANOS 3:25

Nda ycui' Ndyosi ji'i̱ Jesús ñaa chalyuu cha' tyaja'a̱ yu cajaa yu; masi ycui' yu chcube' yu cña loo lcaa ñati̱ chalyuu, cha' qui'ya ycui' yu yabe' nu ntsu'u ji'na. Caca cha' bi' ji'na si tyaja'a̱ na xñi na cha' ji'i̱ Jesús. Lo'o jua'a̱ nti' Ni culu'u Ni ji'na cha' xcui' cha' liñi ndu'ni Ni lo'o na, masi ná ngua'ni cuentya Ni ji'i̱ qui'ya nu ntsu'u ji'i̱ jyo'o cusu' ji'na; pana ndalo tsa tyiquee Ni ji'i̱ ngu' bi' li'.

GÁLATAS 3:22

Cua nchcui' quityi ji'i̱ ycui' Ndyosi cha' nu cuxi laca loo la ji'i̱ lcaa ñati̱ chalyuu, ñi'ya̱ si na cua laca na preso ji'i̱. Si jlo ti' na cha' nu cuxi laca loo ji'na, li' taca ji'i̱ Ni cua'ni lyaá Ni ji'na; ta Ni chalyuu cucui ji'na li', nu lo'o xñi na cha' ji'i̱ ycui' Jesucristo. Bi' laca nu cha' tso'o nu cua ngüiñi ji'i̱ ycui' Ni lo'o na.

GÁLATAS 4:6

Bi' cha' laca cua nda ycui' Ndyosi Xtyi'i ycui' Ni nu tyanu ne' cresiya ji'i̱ ma̱, cha' culu'u Ni ji'i̱ ma̱ cha' cua laca ma̱ sñi' ycui' Ni. Xtyi'i ycui' Ni ndu'ni cha' taca chcui' na lo'o ycui' Ndyosi chañi ca: “¡Papá! ¡Sti na'!” ñacui̱ na.

HEBREOS 7:23

Pana nu sti jo'ó tya'a ngu' Leví bi' ni, xcui' na ndyijii ngu' bi', lo'o li' xa' la tya'a ngu' ndyatí̱ lo cña sti jo'ó bi'; bi' cha' ngua quiña'a̱ tsa sti jo'ó chu̱' tyu̱u̱ yija̱ li'.