13 Tyempo bi' lo'o nga'a̱ Juan to' sta'a̱ Jordán, ndu'u Jesús nde loyuu su cuentya Galilea lijya̱ ca slo Juan, cha' lo'o ngua ti' Jesús cha' tyucuatya Juan ji'i̱.
Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'.
Lo'o li' ngua ti' Juan cua'a yu ji'i̱ Jesús. ―Ná tso'o tyucuatya na' jinu'u̱ ―nacui̱ Juan ji'i̱―. Tso'o la tyucuatya ycui' nu'u̱ jna'.
Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.
Lo'o na' ni, ná ndyuloo na' ji'i̱ ycui' yu bi'; pana cua ya̱a̱ na' ntyucuatya na' ji'i̱ ñati̱ lo'o hitya ti cha' caca tyuloo ngu' Israel ji'i̱ yu bi'.