SAN MATEO 28:2 - Chatino Tataltepec

² Li' ngulacui̱ tsa chalyuu, cha' ngua'ya sca xca̱ ji'i̱ ycui' nu Xu'na na nu ntsu'u nde cua̱, ngua'ya lo yuu ca to' cuaá bi'. Li' nguxasu ji'i̱ quee tonu nu nscua to' cuaá, ndyaa tucua yu chu̱' quee bi'.

SAN MATEO 28:2 ပူးပေါင်းရင်းမြစ်များ

SAN MATEO 27:60

Nguxatsi' yu ji'i̱ jyo'o bi' ne' sca tyuquee nu cua ngulu ca ti ngu' sii' cua'a̱, cha' caca cuaá su tyatsi' ycui' José nquicha'. Ndacu̱' José bi' to' cuaá lo'o sca quee tonu, ndu'u yu ndyaa yu li'.

SAN MATEO 27:66

Li' ndu'u ngu' nu laca loo bi', ndyaa ngu' lo'o sca taju sendaru ji'i̱ ngu', ndacu̱' tachaa ngu' to' cuaá bi' lo'o sca lo nguiña' tacalya nu ntsu'u sello ji'i̱, cha' ná cala' ngu' tsiya' ti quee tonu nu ndyacu̱' to' cuaá bi'. Li' nguxtyanu ngu' ji'i̱ taju sendaru bi' cajua, cha' tyi'i̱ ngu' cua̱ to' cuaá bi'.

SAN JUAN 20:1

Ndyu'u scua cuacha li', tsa̱ clyo ji'i̱ semana; jua'a̱ tya lyiji quixee tso'o ti, lo'o ngutu'u María Magdalena ndyaa to' cuaá. Na'a̱ cha' cua laca ngutu'u tsu' quee tlyu nu ndyacu̱' to' cuaá bi',

LOS HECHOS 16:26

Tsi tsiya' ca ngulacui̱ chalyuu li', lye tsa ngüiña ni'i̱ chcua̱; ndyaala lcaa toni'i̱ chcua̱ bi' li', xqui'ya cha' ngulacui̱ tsa chalyuu, lo'o jua'a̱ ngusi'yu cu' ju̱u̱ chcua̱ su ndyaaca̱' ngu'.

LOS HECHOS 5:19

Nu lo'o ngua talya, li' ndyalaa sca xca̱ ji'i̱ ycui' Ndyosi, ngusaala toni'i̱ su ntsu'u ngu' ne' chcua̱ cha' tyu'u ngu' nde liya'. Lo'o cua ngutu'u ngu' nde liya', li' nchcui' xca̱ bi' lo'o ngu':

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.

APOCALIPSIS 11:19

Li' na'a̱ na' su ntucua laa tlyu ji'i̱ ycui' Ndyosi nde cua̱, na'a̱ na' ca ne' laa su nscua cñá' tacati, su ngutucua ycui' Ndyosi laja ñati̱ ji'i̱ Ni nu ngua tya sa'ni la. Lo'o li' lye tsa nguañi nde chalyuu, lye tsa ndyubii, cuati lye tsa ndañi nchcui' tyi'yu; li' ngulacui̱ chalyuu, jua'a̱ clyaa tsa tyo quee ngua'ya.