SAN MATEO 27:6 - Chatino Tataltepec

⁶ Ngusñi sti jo'ó nu laca loo ji'i̱ cñi bi' li'. ―¿Ñi'ya̱ cua'ni na lacua? ―nacui̱ sti jo'ó ji'i̱ tya'a ngu'―. Ná ntsu'u chacuayá' quixa' cñi re lo'o msta̱ nu cua nda ngu' ji'i̱ ycui' Ndyosi ne' laa re, cha' cñi nu ngujui ji'i̱ yu cha' ndyujui' yu ji'i̱ sca ñati̱ laca cñi re ―nacui̱ sti jo'ó bi'.

SAN MATEO 27:6 ပူးပေါင်းရင်းမြစ်များ

SAN MATEO 23:24

Nti' ma̱ culu'u ma̱ cha' ji'i̱ ycui' Ndyosi ji'i̱ xa' ñati̱; pana na cuityi̱' ycui' ca ma̱, cha' ndyacu̱' hique ma̱ ji'i̱ lcaa cha' liñi bi'. Ñi'ya̱ laca si nsubii ma̱ hitya cha' co'o ma̱, cha' ná co'o ma̱ na'ni sube nu ntsu'u lo hitya bi', pana ná ndu'ni cuentya ma̱ ji'i̱, si cua ntyucui̱' ma̱ sca na'ni tlyu la, ñi'ya̱ nti' sca camello.

SAN MATEO 27:5

Li' ngusalú Judas cñi plata bi' lo yuu ne' laa tonu bi' su nga'a̱ ngu' nu laca loo bi', ndu'u yu ndyaa yu. Li' ndyujuii Judas ji'i̱ ycui' ca; ngusca̱' yu reta yane yu, lo'o ngusca̱' loo reta laja yaca nde cua̱; cuati nguxtyú yu ji'i̱ ycui' ca yu nde lo yuu, ngujuii yu li'.

SAN MATEO 27:7

Li' ngüiñi cha' ji'i̱ ngu' lo'o tya'a ngu', cha' lo'o cñi bi' cui'ya ngu' sca lo'o ji'i̱ ngu' su ndiña ngu' quityu̱' nquicha', cha' caja su tyatsi' jyo'o ngu' xa' tsu' ne' lo'o bi'.

SAN MARCOS 7:11

Pana cuxi tsa cha' nu nchcui' cu'ma̱. Na nclyu'u ma̱ ji'i̱ ngu' cha' tso'o laca si chcui' sca ñati̱ lo'o sti ngu' lo'o xtya'a̱ ngu' ndi'ya̱: “Nga'aa caca 'na xtyucua na' ji'i̱ ma̱, cha' Corbán laca lcaa cha' nu ta na' ji'i̱ ma̱ nquicha'”. (Corbán ni, ndi'ya̱ nti' ñacui̱ cha' bi' cha'cña ji'i̱ ngu' bi': sca na nu cua nda ngu' ji'i̱ ycui' Ndyosi.)

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';