SAN MATEO 27:5 - Chatino Tataltepec

⁵ Li' ngusalú Judas cñi plata bi' lo yuu ne' laa tonu bi' su nga'a̱ ngu' nu laca loo bi', ndu'u yu ndyaa yu. Li' ndyujuii Judas ji'i̱ ycui' ca; ngusca̱' yu reta yane yu, lo'o ngusca̱' loo reta laja yaca nde cua̱; cuati nguxtyú yu ji'i̱ ycui' ca yu nde lo yuu, ngujuii yu li'.

SAN MATEO 27:5 ပူးပေါင်းရင်းမြစ်များ

SAN MATEO 26:61

―Nacui̱ nu qui'yu re: “Taca jna' cuityi̱ na' laa tonu re ji'i̱ ycui' Ndyosi, lo'o li' xa' cuiñá na' ji'i̱ chaca quiya'; chu̱' sna tsa̱ ti tye tya' laa 'na”, nacui̱ Jesús jua ―nacui̱ ngu' cuiñi bi'.

SAN MATEO 27:6

Ngusñi sti jo'ó nu laca loo ji'i̱ cñi bi' li'. ―¿Ñi'ya̱ cua'ni na lacua? ―nacui̱ sti jo'ó ji'i̱ tya'a ngu'―. Ná ntsu'u chacuayá' quixa' cñi re lo'o msta̱ nu cua nda ngu' ji'i̱ ycui' Ndyosi ne' laa re, cha' cñi nu ngujui ji'i̱ yu cha' ndyujui' yu ji'i̱ sca ñati̱ laca cñi re ―nacui̱ sti jo'ó bi'.

SAN LUCAS 1:21

Tya ndi'i̱ ngu' quichi̱ to' laa, ntajatya ngu' ji'i̱ nu Zacarías bi' ña'a̱ cuaya' nu tyu'u yu nde liya'; pana quiña'a̱ tsa nclyacua ti' ngu' ni cha' tyiquee' tsa ngutu'u Zacarías nde ne' laa bi'.

SAN LUCAS 1:9

Ndi'ya̱ ngua'ni sti jo'ó nu ngua li': lcaa taju ngu' ngusubi ngu' ji'i̱ sca tya'a sti jo'ó ngu', cha' sca ti yu taca tyatí̱ yu su tacati ne' laa tonu, cha' taqui̱ yu yana jo'ó lo mesa ca bi' li'. Lo'o juani ndyanu cña bi' ji'i̱ ycui' Zacarías.