SAN MATEO 27:41 - Chatino Tataltepec

⁴¹ Lo'o nu ngu' sti jo'ó nu laca loo, lo'o ngu' mstru cha' jo'ó, lo'o ngu' cusu' ji'i̱ ngu' judío, ndya'a̱ ngu' ndyaa na'a̱ ngu' ca su nga'a̱ Jesús lo crusi, cha' nxtyí lo'o ngu' bi' ji'i̱ yu li'.

SAN MATEO 27:41 ပူးပေါင်းရင်းမြစ်များ

SAN MATEO 27:40

―Nu'u̱ laca nu cuityi̱ ji'i̱ laa tonu bi' nacui̱ nu'u̱, lo'o li' nacui̱ nu'u̱ cha' cuiñá nu'u̱ ji'i̱ chaca quiya' chu̱' sna tsa̱ ti, ngua ti' nu'u̱. Cua'ni lyaá nu'u̱ ji'i̱ ycui' ca lacua ―nacui̱ ngu' bi' ji'i̱ Jesús―. Si chañi cha' nu sca ti Sñi' ycui' Ndyosi laca nu'u̱, cua'ya clya nu'u̱ lo crusi cua juani ―nacui̱ ngu'.

SAN MATEO 27:42

―Ngua'ni lyaá yu ji'i̱ xa' ñati̱, pana ji'i̱ ycui' ca yu ná nchca ji'i̱ yu cua'ni lyaá yu ―nacui̱ ngu' nu laca loo bi'―. Rey ji'i̱ ngu' Israel laca yu, nacui̱ yu. Tso'o la si ca'ya yu lo crusi cua juani, jlya ti' na ji'i̱ yu li' ―nacui̱ ngu' bi' ji'i̱ tya'a ngu'―.

SAN LUCAS 18:32

Cua ta ti ngu' 'na ji'i̱ ngu' xa' tsu' cha' xtyí lo'o ngu' 'na, cha' chcui' ngu' cha' ti'í 'na, lo'o jua'a̱ tu'u ngu' hitya sañi' ngu' 'na.

SAN LUCAS 22:52

Lo'o ti nchcui' Jesús lo'o ngu' sti jo'ó nu laca loo, lo'o ngu' nu laca cña ne' laa, jua'a̱ lo'o ngu' cusu' ji'i̱ quichi̱, lcaa ngu' nu ñaa cha' tyaa lo'o ngu' ji'i̱: ―¿Ha na ndu'u cu'ma̱ lijya̱ ma̱ lo'o maxtyi ji'i̱ ma̱, lo'o yaca ji'i̱ ma̱, cha' quiji'i̱ yaca ma̱ 'na ñi'ya̱ nu ntyiji'i̱ na ji'i̱ sca cuaana?

SAN LUCAS 23:35

Lo'o jua'a̱ ndi'i̱ tsa ñati̱ cha' ña'a̱ cui'ya ngu' ji'i̱ Jesús. Lo'o ngu' tisiya ni, nxtyí lo'o ngu' ji'i̱ Jesús li'. Ndi'ya̱ nacui̱ ngu' bi': ―Ngua'ni lyaá yu ji'i̱ xa' ñati̱ nquicha'; pana juani ntsu'u cha' cua'ni lyaá yu ji'i̱ ycui' ca ti yu, si chañi cha' laca yu Cristo nu ngusubi ycui' Ndyosi ji'i̱ lijya̱ chalyuu re ―nacui̱ ngu' bi'.