SAN MATEO 27:4 - Chatino Tataltepec

⁴ ―Ntsu'u qui'ya 'na ―nacui̱ Judas bi' ji'i̱ ngu' nu laca loo―, cha' cua ndyujui' na' ji'i̱ sca ñati̱ lubii ji'i̱ ma̱, cha' cujuii ma̱ ji'i̱ ―nacui̱. Li' nguxacui̱ ngu' nu laca loo bi' cha' ji'i̱ Judas: ―¿Ha cha' ji'i̱ cua laca cha' bi'? ―nacui̱ ngu' nu laca loo bi'―. Si ntsu'u qui'ya jinu'u̱, cha' jinu'u̱ laca bi'.

SAN MATEO 27:4 ပူးပေါင်းရင်းမြစ်များ

SAN MATEO 27:19

Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN LUCAS 23:22

Nu nchca tyuna quiya' nchcui' Pilato lo'o ngu' li': ―¿Ni cha' cuxi ngua'ni yu re? Ná nquije ni sca cha' cuxi ji'i̱ yu 'na ―nacui̱ Pilato―, bi' cha' ná ndu'ni tsa cha' cajaa yu. Tso'o la si na xcube' ti na' ji'i̱ yu, ca tiya' la li' culaá na' ji'i̱ yu.

SAN LUCAS 23:41

Liñi tsa ntsu'u cha' nchcube' ngu' ji'na, cha' bi' laca caya' ji'i̱ cha' cuxi nu ngua'ni na; pana nu ñati̱ re ni, ná ntsu'u cha' cuxi nu ngua'ni yu.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

LOS HECHOS 13:28

Masi ná ntsu'u qui'ya ji'i̱ Jesús tsiya' ti, ngüijña ngu' ji'i̱ gobernador, la cui' nu Pilato bi', cha' culo cña ji'i̱ ngu' cha' cujuii ngu' ji'i̱ Jesús.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

1 TIMOTEO 4:2

Ntsu'u ngu' nu nchcui' tucua lo cha', nu nga'aa ntyuju'u ti' cha' ngusñi ngu' cha' cuiñi nu nchcui' nu xña'a̱; ji'i̱ ngu' cuiñi bi' cuna xi ngu' tya'a na, tyu'utsu' ngu' ji'i̱ tyucui̱i̱ tso'o li'.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.

1 PEDRO 1:19

Nu lo'o ngujuii Cristo lo crusi lo'o ndyalú tañi ycui', li' nda Ni caya' loo qui'ya nu ntsu'u ji'na, cha' ngua Cristo ñi'ya̱ nti' sca msta̱ lu'ú nu xcui' na tso'o, nu xcui' na lubii; lo'o nu tañi ycui' Cristo bi' ni, bi' laca caya' nu ngua'ni lyaá ji'na.

1 JUAN 3:12

Ná cua'ni na ñi'ya̱ nu ngua'ni jyo'o Caín; sñi' ycui' nu xña'a̱ ngua yu bi', cha' ndyujuii yu ji'i̱ tya'a yu. ¿Ni cha' laca ngua'ni yu jua'a̱? Ndyujuii yu ji'i̱ tya'a yu xqui'ya cha' xcui' cha' cuxi ngua'ni jyo'o Caín bi', bi' cha' ná ndiya ti' yu cha' xcui' cha' tso'o ngua'ni yu tya'a yu bi'.

APOCALIPSIS 11:10

Chaa tsa ti' caca ñati̱ chalyuu cha' cua ngujuii tyucuaa ñati̱ nu ngutu̱ bi', bi' cha' cua'ni ngu' ta'a; lu'ba ti ta ngu' xlya'be tyaa su ndi'i̱ tya'a ngu', cha' chaa tsa ti' ngu'. Xqui'ya tyucuaa jyo'o bi' quiña'a̱ tsa cha' nchcube' ngujui ji'i̱ ñati̱ chalyuu, nacui̱ ngu'.