SAN MATEO 27:16 - Chatino Tataltepec

¹⁶ La cui' tyempo bi', ntsu'u sca nu qui'yu nu naa Barrabás ne' chcua̱, sca ñati̱ nu ntsu'u tsa qui'ya ji'i̱ ngua yu bi'.

SAN MATEO 27:16 ပူးပေါင်းရင်းမြစ်များ

SAN MATEO 27:15

Lcaa yija̱ lo'o ndyaca tsa̱ ta'a bi' ndu'ni lyaá nu laca gobernador ji'i̱ sca ti preso, la cui' preso nu ndijña ngu' judío ji'i̱.

SAN MATEO 27:17

Lo'o jua'a̱ ngua cha' quiña'a̱ tsa ngu' judío ndyu'u ti'i̱ ngu' to' ni'i̱ ji'i̱ gobierno, li' nchcuane Pilato bi' ji'i̱ ngu': ―¿Ti ji'i̱ nti' ma̱ cha' cua'ni lyaá na' ji'i̱ juani? ¿Ha tso'o clyaá Barrabás, o tso'o la clyaá Jesús nu ndu'ni ma̱ Cristo ji'i̱? ―nacui̱ Pilato ji'i̱ ngu'.

SAN MARCOS 15:7

Ntsu'u tyu̱u̱ tya'a ngu' ne' chcua̱, ngu' nu cua ndyujuii ji'i̱ ñati̱ laja lo'o ngusu̱u̱ tya'a ngu' lo'o nu ngu' xa' tsu' nu laca loo. Sca preso bi' laca Barrabás.

SAN LUCAS 23:25

Lo'o jua'a̱ ngulo laja ti ji'i̱ yu Barrabás nu ngua'ni tsa cha' cusu̱u̱, hasta ndyujuii ji'i̱ ñati̱, cha' bi' laca nu ngusubi ngu' quichi̱ cha' tyu'u ne' chcua̱ tyaa tsa̱ bi'. Lo'o li' ndya Pilato ji'i̱ Jesús ji'i̱ ngu' cha' cua'ni ngu' ña'a̱ cha' nu nti' ti ngu' cua'ni ngu' lo'o.

SAN JUAN 18:40

Cui̱i̱ ngusi'ya lo'o ngu' ji'i̱ chaca quiya': ―Si'i ji'i̱ yu jua nti' ya. Ji'i̱ Barrabás cua'ni lyaá nu'u̱ ―nacui̱ ngu'. Lo'o nu naa Barrabás ni, si'i ñati̱ tso'o laca bi'; tyaala tsa Barrabás, la cui' ñati̱ cuaana laca.

LOS HECHOS 3:14

Xcui' cha' tso'o ngua'ni nu Jesús bi', xcui' lubii cresiya ji'i̱ yu, lo'o ná nda ma̱ chacuayá' tyu'u yu laja ti li'. Ngüijña ma̱ chacuayá' ji'i̱ gobernador bi', cha' tyu'u laja ti chaca nu laca preso, nu cua ndyujuii ji'i̱ tyu̱u̱ tya'a ñati̱.

ROMANOS 1:32

Nda ngu' bi' cuentya cha' nu cua nchcui' ycui' Ndyosi ji'i̱ ngu', cha' ntsu'u cha' cajaa ngu' bi' xqui'ya cha' cuxi nu ndu'ni ngu'. Masi jlo ti' ngu' cha' bi', ná ndube ti' ngu' bi'; ña'a̱ ti ndu'ni ngu' cha' cuxi bi' ji'i̱ ngu'. Lo'o jua'a̱ tso'o tsa ntsu'u tyiquee ngu' lo'o ña'a̱ ngu' ji'i̱ xa' ñati̱ nu ndyu'ni la cui' tya'a cha' cuxi bi'.

ROMANOS 16:7

Lo'o jua'a̱ chcuicha' ma̱ ji'i̱ Andrónico lo'o Junias tya'a quichi̱ tyi na', tya'a ngutu'u na' ni'i̱ chcua̱. Tyucuaa ngu' bi' laca ngu' ñati̱ nu cua nda Cristo ji'i̱ ndyaa, cha' ta ngu' cha' ji'i̱ ycui' Ndyosi lo'o ngu' nu cua tyijyu' la; nguula tsa cña nu ngua'ni ngu' cuentya ji'i̱ nu Xu'na na. Pana yala la ngusñi ngu' bi' cha' ji'i̱ Jesús, lo'o li' tiya' la ngusñi na' cha' bi'.