SAN MATEO 26:71 - Chatino Tataltepec

⁷¹ Li' ndatsu' Pedro, ndyaa ndyatu̱ cacua ti to' lo'o bi'. Lo'o li' na'a̱ chaca nu cuna'a̱ cua' ji'i̱ yu, nchcui' nu cuna'a̱ bi' lo'o ngu' nu ndu̱ cacua ti: ―Stu'ba ti ndya'a̱ nu qui'yu re lo'o Jesús Nazaret jua ―nacui̱ nu cuna'a̱ bi' li'.

SAN MATEO 26:71 ပူးပေါင်းရင်းမြစ်များ

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN MATEO 26:70

Li' cui̱i̱ nguxacui̱ Pedro cha' ji'i̱ nu cuna'a̱ ña'a̱ cuayá' nu cuna lcaa ngu': ―Ná nchca cuayá' ti' na' cha' nu nchcui' nu'u̱ ―nacui̱ Pedro ji'i̱.

SAN MATEO 26:72

Chaca quiya' lye tsa nchcui' Pedro, ngua'ni yu jura li': ―Ná nslo na' ji'i̱ nu qui'yu jua tsiya' ti ―nacui̱ Pedro ji'i̱ ngu' bi' li'.

SAN LUCAS 22:58

Ca tiya' la xi na'a̱ chaca ñati̱ ji'i̱. ―Lo'o nu'u̱ laca tya'a ndya'a̱ ngu' jua ―nacui̱ ñati̱ bi' ji'i̱ Pedro. ―Si'i na' ―nacui̱ yu―. Ná laca na' tya'a ndya'a̱ ngu' jua ―nacui̱ Pedro ji'i̱ ngu'.