SAN MATEO 26:70 - Chatino Tataltepec

⁷⁰ Li' cui̱i̱ nguxacui̱ Pedro cha' ji'i̱ nu cuna'a̱ ña'a̱ cuayá' nu cuna lcaa ngu': ―Ná nchca cuayá' ti' na' cha' nu nchcui' nu'u̱ ―nacui̱ Pedro ji'i̱.

SAN MATEO 26:70 ပူးပေါင်းရင်းမြစ်များ

SAN MATEO 26:51

Lo'o tsaca ñati̱ nu ndya'a̱ lo'o Jesús, hora ti ngulo yu maxtyi cusu̱u̱ ji'i̱ yu, ngujui'i̱ yu maxtyi ji'i̱ msu ji'i̱ xu'na sti jo'ó; ngusi'yu cu' jyaca̱ msu bi' li'.

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MATEO 26:58

Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN MATEO 26:69

Lo'o nu Pedro bi' ni, nde liya' ti nga'a̱ yu bi'. Li' ñaa sca nu cuna'a̱ cua' slo yu. ―Lo'o nu'u̱ ndya'a̱ stu'ba ti lo'o Jesús nu ngu' Galilea jua ―nacui̱ nu cuna'a̱ bi' ji'i̱ Pedro.

SAN MATEO 26:71

Li' ndatsu' Pedro, ndyaa ndyatu̱ cacua ti to' lo'o bi'. Lo'o li' na'a̱ chaca nu cuna'a̱ cua' ji'i̱ yu, nchcui' nu cuna'a̱ bi' lo'o ngu' nu ndu̱ cacua ti: ―Stu'ba ti ndya'a̱ nu qui'yu re lo'o Jesús Nazaret jua ―nacui̱ nu cuna'a̱ bi' li'.

SAN LUCAS 22:57

Hora ti nguxacui̱ Pedro cha' ji'i̱ nu cuna'a̱ bi': ―Ma' cusu', ná nslo na' ji'i̱ yu jua ―nacui̱ Pedro li'.

ROMANOS 11:20

Chañi cha' ji'i̱ ma̱. Pana ndi'ya̱ laca cha': cua ngulotsu' ycui' Ndyosi ji'i̱ ngu' judío ji'i̱ yaca bi', xqui'ya cha' ná ngusñi ngu' cha' ji'i̱ Ni; pana cu'ma̱ ni, xqui'ya cha' ngusñi ma̱ cha' ji'i̱ ycui' Ni, bi' ti cha' cua ngujui chacuayá' ji'i̱ ma̱ cha' xñi ca'a̱ ma̱ ji'i̱ yaca bi' ca su ntucua ma̱ juani. Bi' cha' ná ntsu'u cha' cua'ni tyucuaa ti' ma̱ lo'o ngu' judío bi'. Culacua tso'o ti' ma̱ xi.

1 CORINTIOS 10:12

bi' cha' tso'o si cube ti' ma̱ cha' ná tyu'utsu' ma̱ ji'i̱ tyucui̱i̱ nu liñi ca, si nti' ma̱ cha' tso'o ti tyi'i̱ cresiya ji'i̱ ma̱, cha' ná tyacua sca cha' cuxi ji'i̱ ma̱ tsiya' ti.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.