SAN MATEO 24:2 - Chatino Tataltepec

² Li' nguxacui̱ Jesús cha' ji'i̱ ngu' bi': ―Ña'a̱ tso'o ma̱ ji'i̱ lcaa cha' nu ntsu'u ji'i̱ laa tonu re ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' tye laa re cati̱ ña'a̱ cuayá' ni sca quee nu ntsu'u sii' laa re, nga'aa tyanu bi' hichu̱' tya'a.

SAN MATEO 24:2 ပူးပေါင်းရင်းမြစ်များ

SAN LUCAS 19:44

Cuityi̱ ngu' quichi̱ tyi ma̱, ña'a̱ lo yuu ti, cujuii ngu' ji'i̱ tya'a ndi'i̱ ma̱; ná xtyanu ngu' ni sca quee nscua chu̱' tya'a quichi̱ tyi ma̱, xqui'ya cha' ná ndyuloo ma̱ jna' hora juani lo'o ñaa na' nu laca na' Sñi' ycui' Ndyosi ca su ndi'i̱ ma̱.

2 PEDRO 3:11

Cua nscua cha' tye lcaa na lo'o tyalaa tsa̱ bi', bi' cha' ntsu'u cha' caca ma̱ ñati̱ nu lubii cresiya ji'i̱, cha' caca ma̱ ñati̱ nu ngua tso'o tyiquee ma̱ cuentya ji'i̱ ycui' Ndyosi.

APOCALIPSIS 21:22

Ná ntucua laa ca quichi̱ bi', ná na'a̱ na' cha' ntucua bi' tsiya' ti. Tso'o cha' ntucua ycui' Ndyosi nu Xu'na na quichi̱ bi', ycui' Ni nu nchca ji'i̱ ndu'ni Ni lcaa lo cña; la cui' jua'a̱ ntucua nu ñi'ya̱ ña'a̱ xlya' bi'. Bi' cha' ni sca laa nga'aa nti' quichi̱ bi'.