SAN MATEO 22:8 - Chatino Tataltepec

⁸ Li' nchcui' rey lo'o msu ji'i̱ chaca quiya': “Cua ngua'ni cho'o na' scuaa cha' caca ta'a ngujui clyo'o sñi' na'”, nacui̱ rey bi'. “Pana nu ngu' nu cua nchcui' na' lo'o tsa̱ cha' ca̱a̱ ngu' ta'a ca slo na', ná ntaja'a̱ ngu' bi' ca̱a̱, bi' cha' ná cacu ngu' bi' scuaa tso'o nu ntsu'u 'na tsiya' ti.

SAN MATEO 22:8 ပူးပေါင်းရင်းမြစ်များ

SAN MATEO 22:7

Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN MATEO 22:9

Tso'o la tsaa clya ma̱ nde calle tlyu juani; chcui' ma̱ lo'o lcua ti tya'a ñati̱ nu ña'a̱ ma̱ ji'i̱ nde calle jua, cha' ca̱a̱ ngu' ta'a ca slo na'.”

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN LUCAS 20:35

Pana ñati̱ nu caja chaca chalyuu nu ná nga'a̱ cha' tye ji'i̱ ngu' ca slo ycui' Ndyosi ni, nu lo'o tyu'ú ngu' bi' chaca quiya', nga'aa caja clyo'o ngu', ni nga'aa ta ngu' ji'i̱ sñi' ngu' cha' caca clyo'o ngu',

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.

2 TESALONICENSES 1:5

Liñi tsa ndu'ni cuayá' ycui' Ndyosi ji'i̱ ñati̱; bi' cha' caja su tyi'i̱ ma̱ ca su laca ycui' Ndyosi loo ca nde loo la, masi xña'a̱ tsa ngu' lo'o ma̱ juani xqui'ya cha' ji'i̱ ycui' Ndyosi nu cua ngusñi ma̱.

APOCALIPSIS 22:14

Tso'o tsa caca tyiquee ñati̱ nu cua ngua lubii cresiya ji'i̱, cha' bi' ñati̱ laca nu ntsu'u chacuayá' cacu si'yu yaca nu caja ji'na nde chalyuu cucui. Jua'a̱ li' taca tyatí̱ ngu' tolo'o ji'i̱ quichi̱ tlyu bi'.

APOCALIPSIS 3:4

Masi jua'a̱ jlo ti' na' cha' tya ntsu'u xi ñati̱ nu tso'o tsa ngusñi cha' jna' nde Sardis bi', nu lubii cresiya ji'i̱ ngu'. Nu xa' la ngu' tya'a ndyu'u ti'i̱ ma̱ ni, cua ngui'i̱ tsa ngu' ndyu'ni ngu' cha' cuxi; pana ngati̱ tsa late' caja ji'i̱ ñati̱ nu tya nxñi cha' jna', tya'a̱ ngu' bi' lo'o na', nacui̱ Ni. Ndacui cha' caca jua'a̱ ji'i̱ ngu' bi',