SAN MATEO 22:6 - Chatino Tataltepec

⁶ Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

SAN MATEO 22:6 ပူးပေါင်းရင်းမြစ်များ

SAN MATEO 22:5

Pana ná ndu'u tucua ñati̱ bi', cha' ná ndube ti' ngu' cha' ngujui clyo'o sñi' rey bi'; ndyaa ngu' cña ne' quixi̱', ndyaa xi xa' la ngu' ndyujui' ngu' yu'ba ji'i̱ ngu'.

SAN MATEO 22:7

Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN LUCAS 18:32

Cua ta ti ngu' 'na ji'i̱ ngu' xa' tsu' cha' xtyí lo'o ngu' 'na, cha' chcui' ngu' cha' ti'í 'na, lo'o jua'a̱ tu'u ngu' hitya sañi' ngu' 'na.

LOS HECHOS 8:1

Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.

HEBREOS 13:3

Culacua ti' ma̱ ñi'ya̱ caca xtyucua ma̱ ji'i̱ ngu' tya'a ngusñi na cha' ji'i̱ ycui' Ndyosi, nu lo'o cua ngusu'ba ngu' ji'i̱ tya'a na bi' ne' chcua̱. Lo'o jua'a̱ xtyucua ma̱ ji'i̱ ngu' tya'a na nu quicha ti', xqui'ya cha' lya' ti' ngu' ji'i̱ ngu' bi'. Tyi'u ti' ma̱ cha' xtyucua ma̱ ji'i̱ ngu' bi', ñi'ya̱ si ycui' ca ma̱ nchcube' ma̱ lo'o ngu'.