SAN MATEO 21:9 - Chatino Tataltepec

⁹ Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN MATEO 21:9 ပူးပေါင်းရင်းမြစ်များ

SAN MATEO 21:10

Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o quichi̱ bi'. Ndube tsa ti' ngu' quichi̱ bi' li'. Cui̱i̱ tsa nchcui' ngu' lo'o tya'a ngu': ―¿Tilaca laca nu lijya̱ re? ―nacui̱ ngu'.

SAN MATEO 21:15

Na'a̱ sti jo'ó nu laca loo cha' tlyu nu ngua'ni Jesús; lo'o nu mstru cha' jo'ó bi', na'a̱ ngu' ñi'ya̱ ngua cha' ndyaca tso'o ngu' quicha bi'. Lo'o jua'a̱ na'a̱ ngu' cha' ndi'i̱ tyu̱u̱ tya'a nu sube, cha' cui̱i̱ tsa nchcui' nu sube bi' ndyu'ni chi̱ ngu' loo Jesús: ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ nu sube bi'. Nu lo'o ndyuna ngu' tlyu bi' ñi'ya̱ nu nchcui' nu sube, ngua ñasi̱' tsa ngu' nu laca loo bi' li'.

SAN MATEO 23:39

Cha' liñi nchcui' na' lo'o ma̱ juani, cha' nga'aa ña'a̱ ma̱ 'na ña'a̱ cuayá' nu tyalaa tyempo lo'o chcui' ma̱ cha' 'na: “Tso'o tsa ndyu'ni ycui' Ndyosi lo'o ñati̱ nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN LUCAS 13:35

Bi' cha' xñi'i̱ ti' tyanu quichi̱ tyi ma̱ juani. Nga'aa ña'a̱ ma̱ 'na ña'a̱ cuayá' nu tyalaa tyempo nu chcui' ma̱ cha' 'na: “Tso'o tsa ndyu'ni ycui' Ndyosi xqui'ya yu nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

SAN LUCAS 2:14

Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.