SAN MATEO 20:7 - Chatino Tataltepec

⁷ “Ná ntsu'u ñati̱ nu nti' msu juani”, nacui̱ ngu' ji'i̱. “Yaa clya ma̱ cua'ni ma̱ xi cña ne' lo'o 'na lacua”, nacui̱ xu'na msu bi' ji'i̱ ngu' li'.

SAN MATEO 20:7 ပူးပေါင်းရင်းမြစ်များ

SAN MATEO 20:1

’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.

SAN MATEO 20:6

Nu lo'o cua ngusi̱i̱ la ña'a̱ ti tya ndu̱ xi ñati̱ lcaya' bi'. Nchcui' xu'na msu bi' lo'o ngu' li': “¿Ni cha' laca na ndu̱ ti ma̱ ca nde tyucui tsa̱?”, nacui̱ yu ji'i̱ ñati̱ bi'. “¿Ha ná ntsu'u cña ji'i̱ ma̱ lacua?”

SAN MATEO 20:8

Tiya' la li' lo'o cua tyaa ti cuichaa, li' nchcui' xu'na cña bi' lo'o nu laca loo ji'i̱ msu: “Xi'ya nu'u̱ ji'i̱ lcaa msu juani cha' ta nu'u̱ xcaya' ngu'”, nacui̱. “Clyo ta xcaya' msu nu ndyalaa ca ti. Cuati su cua tye, li' ta nu'u̱ xcaya' ñati̱ nu ndyalaa tya tlya la.”

SAN JUAN 9:4

Lo'o tya xee nga'a̱ cha' cua'ni na cña ―nacui̱ Jesús―, lo'o cua ndyaa cuichaa nga'aa caca cua'ni ni sca na cña li'. Lo'o jua'a̱ laca lo'o na' ―nacui̱―, nga'a̱ cha' cua'ni na' lcaa ña'a̱ cña nu ngulo ycui' Ndyosi jna' lo'o nda Ni jna' lijya̱ na' ca nde ―nacui̱ Jesús―.

LOS HECHOS 4:16

―¿Ñi'ya̱ cua'ni na lo'o ngu' jua? ―nacui̱ ngu' cusu'―. Cua ngua'ni ngu' sca cha' tlyu, lo'o jlo ti' lcaa ngu' quichi̱ Jerusalén re cha' bi' ―nacui̱ ngu'―. Ná taca ñacui̱ na cha' cha' cuiñi laca bi' ―nacui̱ ngu'―.

ROMANOS 16:25

Cua'ni tlyu na ji'i̱ ycui' Ndyosi lacua. Taca ji'i̱ Ni ta Ni juersa ji'i̱ ma̱, cha' tyi'i̱ ma̱ ñi'ya̱ nu nga'a̱ cha' tyi'i̱ ti na chalyuu, si xñi tso'o na cha' ji'i̱ Jesús. Cha' tso'o ji'i̱ la cui' Jesucristo, bi' laca cha' nu nda na' lo'o ngu', masi tyu̱u̱ tsa siyento yija̱ ntsu'u cuatsi' ti cha' nu nchcui' ñi'ya̱ nu cua'ni ycui' Ndyosi nde loo la;

EFESIOS 6:8

Ná ndu'ni cha' masi msu nu ngüi'ya ti ñati̱ laca ma̱, masi msu nu ndi'i̱ tso'o ti laca ma̱; cua jlo ti' na cha' ycui' nu Xu'na na tya cha' tso'o ji'i̱ lcaa ñati̱ nu ndu'ni cña tso'o cuentya ji'i̱ Ni.

COLOSENSES 1:26

Tyucui tyempo nu ngua sa'ni la, ná ngujui ñi'ya̱ nu caca cuayá' ti' ngu' cha' bi'; cua ntsu'u yacu̱' ti cha'. Pana juani cua ngulu'u ycui' Ndyosi cha' bi' ji'i̱ lcaa ñati̱ nu ntsu'u cuentya ji'i̱ Ni.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.