SAN MATEO 20:4 - Chatino Tataltepec

⁴ Li' nchcui' yu lo'o ngu' bi': “Yaa clya ma̱, cua'ni ma̱ cña ne' lo'o 'na. Stu'ba cua'ni ma̱ cña lo'o msu 'na, cha' cua ntsu'u ngu' ndyu'ni ngu' cña 'na juani. Ta na' caya' tso'o ji'i̱ ma̱ li'”, nacui̱ yu. Hora ti ndyaa ngu' ne' xña ji'i̱ xu'na msu bi' li'.

SAN MATEO 20:4 ပူးပေါင်းရင်းမြစ်များ

SAN MATEO 20:3

Nu lo'o cua ndye sna hora ntsu'u ngu' cña, li' ndyaa xu'na ngu' bi' lcaya' chaca quiya'. Ndacua na'a̱ yu ji'i̱ xa' la ñati̱, pana ndu̱ ti ngu' cha' bilya caja cña ji'i̱ ngu'.

SAN MATEO 20:5

Lo'o li' xa' ndyaa xu'na msu bi' lcaya' nde hora, jua'a̱ chaca quiya' na'a̱ yu ji'i̱ xi xa' la ngu' cha' na ndu̱ ti ngu'. La cui' ti cha' nchcui' yu lo'o ngu' bi' li', lo'o li' la cui' jua'a̱ ngua chaca quiya' hora cua sna nde ngusi̱i̱.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

1 CORINTIOS 6:11

Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.

COLOSENSES 4:1

Cu'ma̱ ngu' xu'na msu, lcaa cha' nu ndyaca ji'i̱ ma̱ lo'o ngu' msu ji'i̱ ma̱, cua'ni liñi ma̱ cha' bi'; tso'o ti cua'ni ma̱ lo'o ngu' bi'. Tyi'u ti' ma̱ cha' lo'o cu'ma̱, ntsu'u nu laca loo la ji'i̱ ma̱, ntucua nu bi' ca su tlyu ca su ntucua ycui' Ndyosi.

TITO 3:8

Nga'a̱ cha' jlya tso'o ti' ma̱ cha' liñi nu nscua na' re, bi' cha' lye chcui' nu'u̱ cha' bi' lo'o lcaa ñati̱ nu ngusñi cha' ji'i̱ ycui' Ndyosi ca bi', cha' xcui' cha' tso'o cua'ni ma̱ li'. Tso'o tsa laca cha' liñi, taca xtyucua cha' bi' ji'i̱ cua ña'a̱ ca ñati̱;

1 PEDRO 1:13

Bi' cha' culacua xi ti' ma̱, tii ti' ma̱ tyi'i̱ ma̱ chalyuu, cha' lcaa tsa̱ jatya ma̱ ji'i̱ cha' tso'o nu cua tlyu xi, nu cua'ni Ni lo'o ma̱ lo'o cua'ni lyaá lyiji Ni ji'i̱ ma̱; jua'a̱ caca nu lo'o tyu'u tucua Jesucristo chaca quiya'.