SAN MATEO 2:22 - Chatino Tataltepec

²² Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'.

SAN MATEO 2:22 ပူးပေါင်းရင်းမြစ်များ

SAN MATEO 1:20

Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.

SAN MATEO 2:1

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱:

SAN MATEO 2:19

Ca tiya' la li' ngujuii rey Herodes bi', lo'o li' ndu'u tucua sca xca̱ ji'i̱ ycui' Ndyosi slo José laja xcalá ti yu, cha' tya ndi'i̱ José ca loyuu su cuentya Egipto:

SAN MATEO 2:21

Lo'o li' ndyatu̱ José, ndyaa lo'o ji'i̱ nu piti lo'o ji'i̱ xtya'a̱ nu piti, ñaa ngu' nde nasiyu̱ Israel chaca quiya'.

SAN MATEO 3:13

Tyempo bi' lo'o nga'a̱ Juan to' sta'a̱ Jordán, ndu'u Jesús nde loyuu su cuentya Galilea lijya̱ ca slo Juan, cha' lo'o ngua ti' Jesús cha' tyucuatya Juan ji'i̱.

SAN LUCAS 2:39

Lo'o cua ndye ngua'ni ngu' lcaa cña nu nga'a̱ cha' cua'ni ngu', cña nu ngulo ycui' nu Xu'na na ji'i̱ ngu' judío cua sa'ni la cha' cua'ni ngu', li' nguxtyu̱u̱ ngu' ndyaa ngu' ca nde loyuu su cuentya Galilea; ndyalaa ngu' ca quichi̱ Nazaret nu laca quichi̱ tyi ngu' li'.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.