SAN MATEO 19:9 - Chatino Tataltepec

⁹ Cuentya jna' ni, ta na' sca cui̱i̱ lo'o ma̱ juani: Si ntsu'u sca ñati̱ nu nguxtyanu ji'i̱ clyo'o cha' caja clyo'o lo'o xa' nu cuna'a̱, ngua'ni tyucuaa ti' yu lo'o nu cuna'a̱ clyo'o yu. Sca ti si clyo'o yu ngua'ni suba' lo'o xa' nu qui'yu, liñi cha' xtyanu yu ji'i̱ nu cuna'a̱ bi' li'. La cui' jua'a̱, nu cuna'a̱ nu cua nguxtyanu clyo'o ji'i̱ bi', si xa' caja clyo'o lo'o chaca ñati̱, cha' suba' cua'ni ngu' bi' li'.

SAN MATEO 19:9 ပူးပေါင်းရင်းမြစ်များ

SAN MATEO 19:10

Lo'o li' nchcui' ngu' nu ndyaca tsa'a̱ ji'i̱ lo'o Jesús: ―Tso'o la si ná caja clyo'o na tsiya' ti, si jua'a̱ laca cha' ji'i̱ ngu' qui'yu lo'o clyo'o ngu' ―nacui̱ ngu'.

SAN MATEO 19:8

Xa' nchcui' Jesús lo'o ngu' bi' li': ―Ná ndaquiya' ma̱ ji'i̱ ycui' Ndyosi tsiya' ti, bi' cha' nda jyo'o Moisés chacuayá' ji'i̱ ma̱ cha' xtyanu ma̱ ji'i̱ clyo'o ma̱ lo'o sca quityi ti ―nacui̱ Jesús ji'i̱ ngu'―. Pana si'i jua'a̱ ngua ti' ycui' Ni tya lo'o ngüiñá Ni chalyuu.

SAN MATEO 5:32

Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.

SAN LUCAS 16:18

Tya nchcui' la Jesús lo'o ngu' li': ―Lo'o culo sca ñati̱ quityi cha' xtyanu yu ji'i̱ clyo'o yu, cha' xa' caja clyo'o yu lo'o xa' nu cuna'a̱, cha' suba' ndyu'ni yu bi' li'. Lo'o jua'a̱ lo'o caja clyo'o sca nu qui'yu lo'o sca nu cuna'a̱ nu cua nguxtyanu clyo'o ji'i̱, masi cuentya ji'i̱ ley, la cui' ti cha' suba' laca nu ndyu'ni nu qui'yu bi' li'.

1 CORINTIOS 5:1

Cua ngujui cha' 'na, cua ndyuna na' cha' suba' tsa ngua'ni sca ñati̱ tya'a ngusñi ma̱ cha' ji'i̱ Jesucristo; ngua'ni yu sca cña nu cuxi tsa. Pana ni ngu' xa' tsu', ná ndu'ni ngu' tsa lo cua cha' cuxi, masi ná ndaquiya' ngu' ji'i̱ ycui' Ndyosi tsiya' ti. Ndi'ya̱ cña ngua'ni yu: ngua'a̱ yu lo'o xtya'a̱ miña'a̱ yu.

1 CORINTIOS 7:39

Cu'ma̱ ngu' cuna'a̱ nu cua ngujui clyo'o ma̱, ná ntsu'u chacuayá' caja clyo'o lo'o chaca ñati̱ laja lo'o tya lu'ú clyo'o ma̱. Sca ti si cua ngujuii nu qui'yu ji'i̱ ma̱, ca li' ntsu'u chacuayá' caja clyo'o ma̱ chaca quiya'. Taca caja clyo'o ma̱ li' chaca quiya' lo'o cua ña'a̱ ca nu qui'yu nu nti' ma̱, sca ti si lo'o yu bi' laca ñati̱ tya'a ngusñi na cha' ji'i̱ Jesús.

1 CORINTIOS 7:4

Bi' cha' nga'aa culo sca nu cuna'a̱ cña ji'i̱ ycui' ca si cua ngujui clyo'o, cha' nu qui'yu laca loo ji'i̱; lo'o jua'a̱ nu qui'yu, nga'aa si'i ycui' ca yu nu culo cña ji'i̱ yu lo'o cua ngujui clyo'o yu, cha' nu cuna'a̱ laca loo ji'i̱ yu li'.