SAN MATEO 19:4 - Chatino Tataltepec

⁴ ―¿Ha bilya chcui' ma̱ lo quityi cha' ji'i̱ ycui' Ndyosi? ―nacui̱ Jesús ji'i̱ ngu' bi'―. “Clyo ngüiñá Ni ji'i̱ ñati̱, sca nu qui'yu lo'o sca nu cuna'a̱”, jua'a̱ nscua lo quityi bi'.

SAN MATEO 19:4 ပူးပေါင်းရင်းမြစ်များ

SAN MATEO 12:3

Lo'o li' nguxacui̱ Jesús cha' ji'i̱ ngu' bi': ―¿Ha bilya chcui' ma̱ lo quityi ji'i̱ ycui' Ndyosi nu nscua ñi'ya̱ nu ngua'ni jyo'o David sa'ni? ―nacui̱ Jesús ji'i̱ ngu'―. Ngua sca tsa̱ ntyute' tsa yu li', lo'o jua'a̱ ntyute' tsa lcaa ngu' tya'a ndya'a̱ yu.

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;

SAN MATEO 21:6

Lo'o li' ndyaa nu tucua tya'a ngu' nu ndyaca tsa'a̱ ji'i̱ lquichi̱ bi', ñi'ya̱ nu ngulo Jesús cña ji'i̱ ngu'.

SAN MATEO 22:31

Chañi cha' ntsu'u cha' tyu'ú lcaa jyo'o chaca quiya'. ¿Ha bilya chcui' ma̱ cha' lo quityi nu nchcui' ycui' Ndyosi lo'o ma̱? Ndi'ya̱ nchcui' quityi bi':

SAN MARCOS 12:10

’¿Ha bilya chcui' ma̱ lo quityi ji'i̱ ycui' Ndyosi su nscua ndi'ya̱?: Ntsu'u sca quee nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu'; pana juani cua ngujui cña nu cua'ni quee bi', cha' ndu̱ bi' su ndulo la cha' ji'i̱ cuentya ji'i̱ ycui' Ndyosi.

SAN MARCOS 12:26

¿Ha ná jlya ti' ma̱ cha' tyu'ú jyo'o chaca quiya'? ¿Ha bilya chcui' ma̱ lo quityi nu nguscua jyo'o Moisés cua sa'ni la? Tso'o la si chcui' ma̱ ñi'ya̱ nscua cha' ji'i̱ yaca quiche' bi', nu lo'o nchcui' ycui' Ndyosi lo'o Moisés ndi'ya̱: “Ycui' Ndyosi Xu'na Abram laca na'”, nacui̱ ycui' Ni ji'i̱ Moisés; “ycui' Ndyosi Xu'na Isaac laca na', ycui' Ndyosi Xu'na Jacob laca na'”.

SAN MARCOS 2:25

Nguxacui̱ Jesús cha' ji'i̱ ngu' li': ―¿Ha bilya ña'a̱ ma̱ lo quityi ji'i̱ ycui' Ndyosi nu nscua ñi'ya̱ nu ngua'ni jyo'o David? Ngua sca tsa̱ ntyute' tsa ycui' yu, lo'o jua'a̱ ntyute' tsa tya'a ndya'a̱ yu ―nacui̱ Jesús ji'i̱ ngu'―.

SAN LUCAS 10:26

Li' nguxtyacui Jesús cha' lo'o yu: ―¿Ni cña ngulo ycui' Ndyosi ji'na nu nscua lo quityi nu ngua sa'ni? ¿Ñi'ya̱ ndyu'u ta cha' bi' nti' nu'u̱?

SAN LUCAS 6:3

Li' nguxacui̱ Jesús cha' ji'i̱ ngu' bi': ―¿Ha bilya chcui' ma̱ lo quityi ji'i̱ ycui' Ndyosi su nscua ñi'ya̱ nu ngua'ni jyo'o David sa'ni? ―nacui̱ Jesús ji'i̱ ngu'―. Ngua sca tsa̱ ntyute' tsa yu, lo'o jua'a̱ ntyute' tsa lcaa ngu' tya'a ndya'a̱ yu.