SAN MATEO 18:7 - Chatino Tataltepec

⁷ ¡Tya'na tsa ñati̱ chalyuu re! Ntsu'u tsa cha' cuxi nu ndu'ni ñu'u̱ ji'i̱ tyiquee ñati̱. Lcaa hora ntsu'u cha' cuxi jua'a̱ nde chalyuu, pana tlyu tsa cha' caca ji'i̱ ñati̱ nu ndatsaa ji'i̱ tya'a cha' cua'ni ngu' cha' cuxi; tlyu tsa cha' ti'í tyacua ji'i̱ ñati̱ bi' nde loo la.

SAN MATEO 18:7 ပူးပေါင်းရင်းမြစ်များ

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN MARCOS 13:7

’Tyempo bi' cañi cha' nxu̱u̱ tya'a ngu' nasiyu̱ re lo'o ngu' xa' nasiyu̱, lo'o jua'a̱ caja cha' ji'i̱ ma̱ cha' nxu̱u̱ tya'a ngu' nasiyu̱ tyijyu'. Ná cutsi̱i̱ ma̱ li'.

SAN LUCAS 17:1

Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

LOS HECHOS 1:16

―Cu'ma̱ tya'a ndi'i̱ na re ―nacui̱ Pedro ji'i̱ ngu' bi'―, nu ngua sa'ni nguxtyucua Xtyi'i ycui' Ndyosi ji'i̱ jyo'o cusu' David lo'o nguscua jyo'o bi' lo quityi ñi'ya̱ caca cña nu cua'ni jyo'o Judas nde loo la. Ycui' Judas ngulu'u tyucui̱i̱ ji'i̱ ngu' xña'a̱ lo'o ngusñi ngu' ji'i̱ Jesús preso; pana ñi'ya̱ nu ndyanu cha' caca ji'i̱ yu, jua'a̱ ngua cha' bi'.

1 CORINTIOS 11:19

Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

1 TIMOTEO 6:1

Lcaa ñati̱ ji'i̱ Jesucristo nu laca msu nu ngüi'ya ñati̱ ntsu'u cha' cua'ni chi̱ ngu' loo xu'na ngu', masi ti'i̱ tsa cña nu nda xu'na ji'i̱. Li' ná caca chcui' cuxi ngu' ji'i̱ ycui' Ndyosi xqui'ya msu bi', ni ná caca chcui' cuxi ngu' ji'i̱ cha' ji'i̱ Jesucristo nu nclu'u na.

TITO 2:5

ca tsa'a̱ nu cuna'a̱ cuañi' la cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu', ñi'ya̱ nu nga'a̱ cha' cua'ni ngu' nu cua ngua lubii cresiya ji'i̱ cuentya ji'i̱ ycui' Ndyosi; ca tsa'a̱ ngu' ñi'ya nu tso'o ti cua'ni ngu' cña to' tyi ngu', ñi'ya̱ caca tya'na ti' ngu' ji'i̱ tya'a ñati̱ ngu', ñi'ya̱ nu taquiya' ngu' ji'i̱ clyo'o ngu'. Si xcui' tso'o ti ndu'ni nu cuna'a̱ cuañi' ni, li' ná ntsu'u cha' chcui' cuxi xa' ñati̱ ji'i̱ ycui' Ndyosi xqui'ya ngu' bi' li'.

TITO 2:8

Xcui' cha' liñi culu'u nu'u̱ ji'i̱ ngu', cha' ná tucui taca ñacui̱ cha' cuiñi nu'u̱. Ca tyuju'u ti' ngu' nu cuxi tyiquee li', cha' ná caja ñi'ya̱ chcui' ngu' cha' cuxi ji'na li'.

JUDAS 1:4

Ndu'ni cha' ca cuayá' ti' ma̱ cha' cua ndyatí̱ xi ñati̱ cuiñi bi' laja cu'ma̱, masi ná stu'ba cha' nu jlya ti' ma̱ lo'o ngu'. Cua sa'ni tsa nscua cha' lo quityi ji'i̱ ycui' Ndyosi cha' xcube' Ni ji'i̱ nu ngu' cuxi bi'; pana ná ndaquiya' ngu' bi' ji'i̱ cha' nu nchcui' ycui' Ndyosi tsiya' ti, ni ná ndube ti' ngu' bi' si ntsu'u tsa tyiquee Ni ña'a̱ Ni ji'i̱ ñati̱ chalyuu. Nacui̱ ngu' bi', cha' ná ndu'ni cha' masi cua'ni ngu' cha' suba', masi cua'ni ngu' lcaa lo cha' cuxi, cha' si ntsu'u tsa tyiquee Ni ña'a̱ Ni ji'na, ná xcube' Ni ji'na li', nti' ngu'. Cuiñi tsa ngu' bi', si'i ycui' Jesucristo laca xu'na ngu' bi'. Pana nu na ni, sca ti ycui' Jesucristo laca nu Xu'na na, sca ti ycui' Ni laca nu chañi cha' laca Ni loo ji'na.