SAN MATEO 18:5 - Chatino Tataltepec

⁵ Nu lo'o xtyucua ma̱ ji'i̱ sca ñati̱ ñi'ya̱ nti' nu piti re xqui'ya cha' ngusñi tso'o ma̱ cha' jna', la cui' jua'a̱ na nxtyucua ma̱ 'na laca.

SAN MATEO 18:5 ပူးပေါင်းရင်းမြစ်များ

SAN MATEO 18:4

Sca ñati̱ nu laca ñi'ya̱ laca nu piti re, sca ñati̱ nu ná tyixi tyiquee, nu ná nti' tyiji̱loo ji'i̱ tya'a cha' caca ycui' sca ñati̱ tlyu, bi' laca nu ndulo la cha' ji'i̱ ca su laca ycui' Ndyosi loo.

SAN MATEO 18:6

’Si ntsu'u ñati̱ nu ndatsaa ji'i̱ xa' ñati̱ cha' cua'ni ngu' cha' cuxi', masi tatsaa ñati̱ bi' ji'i̱ nu piti re cha' cua'ni yu cha' cuxi, tso'o la masi tyaaca̱' sca quichi tonu yane ñati̱ cuxi bi', lo'o li' xtyú ngu' ji'i̱ ñati̱ bi' lo hitya tyujo'o cha' tye cha' ji'i̱ tsiya' ti; tso'o la si cajaa ñati̱ nu jua'a̱ ndu'ni, cha' nga'aa tatsaa ji'i̱ xa' la ngu' sube cha' cua'ni ngu' cha' cuxi.

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MATEO 25:45

Lo'o na' cha' laca na' loo, li' chcui' na' chaca quiya' lo'o ngu' cuxi bi': “Cha' liñi nchcui' na' lo'o ma̱ juani, cha' ná nguxtyucua ma̱ ji'i̱ ni sca ngu' ti'i nu ntsu'u cha' ji'i̱ lo'o na', bi' cha' nacui̱ na' cha' ná nguxtyucua ma̱ 'na tsiya' ti”.

SAN MATEO 7:8

Cua ña'a̱ ca ñati̱ nu ndijña sca cha' ji'i̱ ycui' Ndyosi, caja cha' bi' ji'i̱ ngu' li'; cua ña'a̱ ca ñati̱ nu nclyana ji'i̱ ycui' Ni, quije Ni ji'i̱ ngu' li'; lo'o jua'a̱ cua ña'a̱ ca ñati̱ nu tyucui tyiquee nchcui' lo'o Ni, cuna Ni cha' nu nchcui' ngu' lo'o Ni li'.

SAN MARCOS 9:37

―Lo'o xtyucua ma̱ ji'i̱ sca ñati̱ ñi'ya̱ laca nu piti re xqui'ya na', la cui' jua'a̱ na nxtyucua ma̱ 'na laca ―nacui̱ Jesús―. Lo'o jua'a̱, lo'o ndu'ni ma̱ cña 'na, la cui' jua'a̱ ndu'ni ma̱ cña ji'i̱ ycui' Ni nu cua nda 'na lijya̱a̱ nde chalyuu ―nacui̱ Jesús.

SAN MARCOS 9:41

Chañi cha' nu chcui' na' lo'o cu'ma̱ juani: si ta laja ti cua ña'a̱ ca ñati̱ masi sca tasa ti hitya co'o ma̱ xqui'ya cha' ñati̱ ji'i̱ Cristo laca ma̱, nde loo la tyacua cha' tso'o ji'i̱ ñati̱ bi'.

SAN LUCAS 9:48

Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

SAN JUAN 13:20

Ta na' sca cha' liñi lo'o ma̱ ―nacui̱ yu―. Nu lo'o taquiya' ma̱ ji'i̱ sca ñati̱ nu ta na' cha' tya'a̱ slo ma̱, li' stu'ba laca si taquiya' ma̱ jna'; lo'o taquiya' ma̱ jna', li' stu'ba laca si taquiya' ma̱ ji'i̱ ycui' Ndyosi Sti na' nu nda jna' lijya̱a̱.

GÁLATAS 4:14

Lo'o jua'a̱ ná nchcui' cuxi ma̱ 'na li', ná ngulo'o ma̱ 'na, masi tya xi tya ndalo ma̱ 'na cha' quicha tsa na'; xa' ña'a̱ ngua'ni ma̱ lo'o na' li', ntucuá ma̱ cha' jna' ñi'ya̱ si cua laca na' sca xca̱ ji'i̱ ycui' Ndyosi, ñi'ya̱ si cua laca na' ycui' Jesucristo.