SAN MATEO 18:4 - Chatino Tataltepec

⁴ Sca ñati̱ nu laca ñi'ya̱ laca nu piti re, sca ñati̱ nu ná tyixi tyiquee, nu ná nti' tyiji̱loo ji'i̱ tya'a cha' caca ycui' sca ñati̱ tlyu, bi' laca nu ndulo la cha' ji'i̱ ca su laca ycui' Ndyosi loo.

SAN MATEO 18:4 ပူးပေါင်းရင်းမြစ်များ

SAN MATEO 18:1

La cui' tyempo bi' ndyalaa lcaa ngu' nu ndyaca tsa'a̱ ji'i̱ slo Jesús cha' chcui' ngu' lo'o: ―¿Tilaca laca nu ndulo la cha' ji'i̱ ca su laca ycui' Ndyosi loo? ―nacui̱ ngu' ji'i̱ Jesús.

SAN MATEO 18:3

―Cha' liñi nchcui' na' lo'o ma̱ ―nacui̱ Jesús ji'i̱ ngu' bi'―, cha' ná caca tyatí̱ ma̱ cha' ji'i̱ ycui' Ndyosi cha' caca Ni loo ne' cresiya ji'i̱ ma̱ si ná cha'a̱ cha' tyiquee ma̱; nga'a̱ cha' caca tyiquee ma̱ ñi'ya̱ laca tyiquee nu piti re, cha' ná tyixi ndu'ni ngu' sube.

SAN MATEO 18:5

Nu lo'o xtyucua ma̱ ji'i̱ sca ñati̱ ñi'ya̱ nti' nu piti re xqui'ya cha' ngusñi tso'o ma̱ cha' jna', la cui' jua'a̱ na nxtyucua ma̱ 'na laca.

SAN MARCOS 10:43

Pana nu cu'ma̱ ni, ná tso'o cua'ni ma̱ jua'a̱. Lcaa lo cña nu taca xtyucua ma̱ ji'i̱ tya'a ñati̱ ma̱, bi' cña ntsu'u cha' cua'ni ma̱, si cua nti' ma̱ cha' caca ma̱ loo ji'i̱ ngu' bi'.

SAN MARCOS 9:34

Ná ntaja'a̱ ngu' cacha' ngu' ji'i̱ yu ñi'ya̱ cha' nu cua nchcui' ngu' lo'o tya'a ngu' tyucui̱i̱, cha' ntyuju'u ti' ngu'. Tyempo bi' cua nda ngu' cha' lo'o tya'a ngu' si ndulo la cha' ji'i̱ tsaca tya'a ndya'a̱ ngu'.

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN LUCAS 9:48

Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

SANTIAGO 4:10

Cua'ni ma̱ cha' ca tyuju'u ti' ma̱ nde loo ycui' Ndyosi ji'i̱ qui'ya nu ntsu'u ji'i̱ ma̱, lo'o li' ta Ni sca se'i̱ tso'o la su tyi'i̱ ma̱ ca su ntucua ycui' Ni.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.