SAN MATEO 17:9 - Chatino Tataltepec

⁹ Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

SAN MATEO 17:9 ပူးပေါင်းရင်းမြစ်များ

SAN MATEO 12:16

Lo'o li' ngulo yu cña ji'i̱ ngu' nu ngua quicha bi', cha' ná cacha' ngu' tilaca laca nu ngua'ni cha' ndyaca tso'o ngu'.

SAN MATEO 17:12

Pana cha' liñi cacha' na' ji'i̱ ma̱ juani cha' cua ñaa nu laca Elías; ná ndyuloo ngu' ji'i̱, bi' cha' cua ngua'ni cuxi ngu' lo'o. Lo'o jua'a̱ xcube' ngu' jna' nu cua nda Ni 'na lijya̱a̱ cha' caca na' ñati̱.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 17:22

Lo'o li' tya ndya'a̱ ngu' xi loyuu su cuentya Galilea, nu Jesús lo'o ngu' nu ndyaca tsa'a̱ ji'i̱. Laja lo'o ndya'a̱ ngu' nchcui' Jesús lo'o ngu' bi': ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱;

SAN MATEO 17:23

cujuii ngu' bi' jna' li'. Pana tyu'ú na' chaca quiya' tsa̱ nchca tyuna li'. Ngua xñi'i̱ tsa ti' ngu' lo'o ndyuna ngu' cha' bi'.

SAN MATEO 17:8

Laja li' nxña'a̱ nu sna tya'a ngu' nu ndyaca tsa'a̱ bi' su ndu̱ jyo'o bi' tsa̱ la, pana na'a̱ ngu' cha' nga'aa ndu̱ ngu' bi'; sca ti Jesús ndu̱ ca bi' li'.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MARCOS 8:30

Ngulo Jesús cña ji'i̱ ngu' li', cha' ná cacha' ngu' cha' bi' ji'i̱ xa' la ñati̱.

SAN LUCAS 8:56

Ndube tsa ti' ngu' cusu' ji'i̱ nu piti bi', pana ngulo Jesús cña ji'i̱ ngu' cha' ná chcui' ngu' lo'o xa' ñati̱ ñi'ya̱ nu ngua cha' bi'.

SAN LUCAS 9:36

Lo'o cua ndyuna ngu' ña'a̱ cha' nu nchcui' ycui' Ndyosi ji'i̱ Jesús, li' na'a̱ ngu' cha' sca ti Jesús ndu̱ bi'. Cuaana tya ndyaa ti'i̱ ngu'; ni sca cha' nga'aa nchcui' ngu' lo'o xa' ñati̱, ñi'ya̱ ngua cha' nu na'a̱ ngu' sii' ca'ya bi'.