SAN MATEO 17:6 - Chatino Tataltepec

⁶ Lo'o ndyuna nu ngu' nu ndyaca tsa'a̱ bi' cha' nu nchcui' ycui' Ni cuentya ji'i̱ Jesús, li' nclyú ngu' bi' nde lo yuu cha' ndyutsi̱i̱ tsa ngu' bi'.

SAN MATEO 17:6 ပူးပေါင်းရင်းမြစ်များ

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 17:7

Lo'o li' ngusta ya' Jesús hichu̱' ngu' bi'. ―Tyatu̱ ma̱ ―nacui̱ Jesús ji'i̱ ngu'―, ná cutsi̱i̱ ma̱ tsiya' ti.

LOS HECHOS 22:7

Nclyú na' tyucui̱i̱ li', ndyuna na' cha' nchcui' sca ñati̱ lo'o na': “Saulo, Saulo”, nacui̱ yu, “¿ni cha' laca nxu̱u̱ tya'a nu'u̱ lo'o na'?”

LOS HECHOS 26:14

Lcaa ya nclyú ya tyucui̱i̱ bi', cha' ndyutsi̱i̱ tsa ya. Li' nchcui' Ni xi lo'o na'; cha'cña 'na, cha'cña ji'i̱ ngu' judío nchcui' Ni lo'o na': “Saulo, Saulo”, nacui̱ Ni jna', “¿ni cha' laca lye tsa nxu̱u̱ tya'a nu'u̱ lo'o na'?” nacui̱ Ni. “La cui' ca nu'u̱ ndu'ni cha' quicha ti' ycui' nu'u̱; ñi'ya̱ ndu'ni sca toro, jua'a̱ ndu'ni nu'u̱. Na ntyiji'i̱ quiya' toro la cui' se'i̱ su ndatu̱ ngu' yaca cha siyu' ni'; lo'o jua'a̱ nu'u̱, ndu'ni ñu'u̱ ji'i̱ ycui' ca ti nu'u̱.”

2 PEDRO 1:18

Ycui' cuare cua ndyuna ya cha' nu nchcui' Xtyi'i Ni nu ntucua nde cua̱, cha' lo'o cuare nguti'i̱ ya lo xlya ca'ya bi' nu ngua tsa̱ bi'.