SAN MATEO 17:3 - Chatino Tataltepec

³ Lo'o li' ndu'u tucua jyo'o Moisés lo'o jyo'o Elías, ndu̱ ngu' nchcui' ngu' lo'o Jesús. Lo'o nu ngu' tya'a ndya'a̱ Jesús bi', na'a̱ ngu' ji'i̱ ngu' bi'.

SAN MATEO 17:3 ပူးပေါင်းရင်းမြစ်များ

SAN MATEO 17:2

Li' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu li'; ndubi tsa ña'a̱ loo yu ñi'ya̱ ndubi xee cuichaa li'. Ñi'ya̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN MATEO 17:4

Li' nchcui' Pedro lo'o Jesús: ―Xu'na ―nacui̱ Pedro ji'i̱―, tso'o tsa cha' nga'a̱ ya re ―nacui̱―. ¿Ha tso'o nti' nu'u̱ si cuiñá na' sna tya'a chcua'ya? Tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías.

SAN MARCOS 9:4

Laja lo'o na'a̱ ngu', li' ndu'u tucua jyo'o Elías lo'o jyo'o Moisés, ndu̱ jyo'o bi' nchcui' ngu' lo'o Jesús.

SAN LUCAS 1:17

La cui' xtyi'i nu nguti'i̱ ne' cresiya ji'i̱ jyo'o Elías nu ndyaa lo'o ycui' Ndyosi ji'i̱ tya sa'ni la, la cui' xtyi'i bi' caja ji'i̱ Juan juani. Ca nde loo la ca̱a̱ Juan chcui' lo'o ñati̱, cha' tyaala' tyiquee ñati̱, cha' nga'aa xu̱u̱ tya'a ngu' lo'o sñi' ngu'. Li' taca cha'a̱ lcaa cha' nu ntsu'u tyiquee ngu', cha' taquiya' ngu' ji'i̱ lcaa cha' nu liñi. Jua'a̱ chcui' Juan lo'o ngu' cha' cua'ni cho'o ngu' tyiquee ngu', cha' tyaja'a̱ ngu' xñi ngu' cha' ji'i̱ ycui' Ndyosi. Li' ca̱a̱ ycui' Cristo.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN LUCAS 9:33

Nu lo'o cua tyaa ti tyucuaa ngu' bi', li' nacui̱ Pedro ji'i̱ Jesús: ―Xu'na ―nacui̱―, tso'o tsa cha' ndi'i̱ ya nde. Cuiñá ya sna tya'a chcua'ya: tsaca laca su tyi'i̱ ycui' nu'u̱, chaca su tyi'i̱ La Moisés, lo'o chaca su tyi'i̱ La Elías ―nacui̱. Pana nu Pedro bi' ni, ná ngua cuayá' ti' yu ñi'ya̱ ndyu'u cha' nu nchcui' ycui' ca yu.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.