SAN MATEO 17:2 - Chatino Tataltepec

² Li' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu li'; ndubi tsa ña'a̱ loo yu ñi'ya̱ ndubi xee cuichaa li'. Ñi'ya̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN MATEO 17:2 ပူးပေါင်းရင်းမြစ်များ

SAN MATEO 17:1

Lo'o cua ndya'a scuá tsa̱, li' ndyaa lo'o Jesús ji'i̱ Pedro lo'o Jacobo lo'o Juan tya'a ngula Jacobo bi'; jacua tya'a ngu' bi' ndyaa ngu' lo xlya ca'ya cua̱.

SAN MATEO 17:3

Lo'o li' ndu'u tucua jyo'o Moisés lo'o jyo'o Elías, ndu̱ ngu' nchcui' ngu' lo'o Jesús. Lo'o nu ngu' tya'a ndya'a̱ Jesús bi', na'a̱ ngu' ji'i̱ ngu' bi'.

SAN MATEO 28:3

Ñi'ya̱ ndubi xee tyi'yu, jua'a̱ ña'a̱ loo xca̱ bi', lo'o jua'a̱ ngati̱ tsa ste' yu ñi'ya̱ nu ngati̱ tlya'.

SAN MARCOS 9:3

Na'a̱ ngu' cha' ndubi tsa ña'a̱ ste' Jesús, ngati̱ tsa ña'a̱. Ná nchca ji'i̱ sca ñati̱ chalyuu qui'í̱ ji'i̱ ste' ngu' jua'a̱, masi jlo tsa ti' ngu' ñi'ya̱ nu tyaati̱ late' ji'i̱ ngu'.

SAN LUCAS 9:29

Nu lo'o ndu̱ Jesús nchcui' lo'o ycui' Ndyosi Sti yu, li' hora ti ngutsa'a̱ ña'a̱ tyucui ña'a̱ loo Jesús; ñi'ya̱ ña'a̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 17:24

’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

APOCALIPSIS 10:1

Li' laja coo ti na'a̱ na' chaca xca̱ nu ngutu'u ca slo ycui' Ndyosi, nu ya̱a̱ nde cua̱ ngua'ya nde lo yuu li'; lcaa cña nchca ji'i̱ xca̱ bi'. Ndu̱ cuaña taa lo xlya hique xca̱ bi', jua'a̱ ndubi tsa ña'a̱ cloo xca̱ bi' ñi'ya̱ ndubi ña'a̱ loo cuichaa; lo'o jua'a̱ tyijya̱ quiya' yu, jua'a̱ tyijya̱ nda̱ yu, lye ndyu'u xee ñi'ya̱ laca lo'o ndyatu̱ quii'.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.