SAN MATEO 16:8 - Chatino Tataltepec

⁸ Pana, ngua tii Jesús cha' ná ngua cuayá' ti' ngu' bi'. ―¿Ni cha' ndube ti' ma̱ cha' ná lo'o xlyá teje' lijya̱ ma̱? ―nacui̱ ji'i̱ ngu' bi'―. Xti tsa cha' jlya ti' ma̱ ji'i̱ ycui' Ndyosi.

SAN MATEO 16:8 ပူးပေါင်းရင်းမြစ်များ

SAN MATEO 14:31

Hora ti ngusñi Jesús ya' Pedro. ―Xti tsa tyempo ndalo nu'u̱ cha' jlya ti' nu'u̱ 'na ―nacui̱ Jesús ji'i̱ Pedro bi'―. ¿Ni cha' ná jlya tso'o ti' 'na?

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MATEO 6:30

Ñi'ya̱ lo'o tso'o tsa ngüiñá ycui' Ndyosi ji'i̱ queé cua, cha' nda Ni sca lo ste' bi', masi sca ti tsa̱ talo queé bi' lo'o li' tyaqui̱ ntsu'u quiya'; la cui' jua'a̱ ta ycui' Ni late' cacu' ma̱, masi xti tsa cha' jlya ti' ma̱ ji'i̱ ycui' Ni.

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN JUAN 16:30

bi' cha' ná ntsu'u cha' xcuane ngu' ni tsaca cha' jinu'u̱. Juani tso'o tsa nchca cuayá' ti' ya cha' jlo ti' nu'u̱ lcaa ca cha', bi' cha' jlya ti' ya cha' ca slo ycui' Ndyosi ngutu'u nu'u̱.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.