SAN MATEO 16:1 - Chatino Tataltepec

¹ Lo'o li' ndyalaa sca taju ngu' fariseo lo'o ngu' saduceo slo Jesús, cha' chcui' cuayá' ngu' lo'o yu, si caca tyiji̱loo ngu' ji'i̱ yu nti' ngu'. Nchcui' ngu' lo'o Jesús cha' culu'u sca cha' tlyu ji'i̱ ngu', sca cha' tlyu nu tyu'u tucua nde cua̱ chacuayá' ji'i̱ ycui' Ndyosi.

SAN MATEO 16:1 ပူးပေါင်းရင်းမြစ်များ

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN MATEO 15:1

Li' ndyalaa sca taju ngu' tlyu slo Jesús. Ngu' quichi̱ Jerusalén laca ngu' bi', ngu' fariseo lo'o ngu' mstru nu nclu'u cha' jo'ó ne' laa laca ngu' bi'.

SAN MATEO 16:6

Lo'o li' ndi'ya̱ nchcui' Jesús lo'o ngu': ―Tii ti ti' ma̱ tyi'i̱ ma̱ ―nacui̱ Jesús ji'i̱ ngu' bi'―. Cui'ya ma̱ cuentya ñi'ya̱ ndu'ni scua̱ tiye' nu nda ngu', la cui' ngu' fariseo lo'o ngu' saduceo ―nacui̱.

SAN MATEO 19:3

Laja li' lijya̱ xi ngu' fariseo slo Jesús cha' chcui' cuayá' ngu' lo'o yu si caca tyiji̱loo ngu' ji'i̱ yu, ngua ti' ngu'. ―¿Ha ntsu'u chacuayá' cuentya ji'na cha' xtyanu sca ñati̱ ji'i̱ clyo'o yu tsiya' ti, si nga'aa nti' yu ji'i̱ nu cuna'a̱ bi'? ―nacui̱ ngu' ji'i̱ Jesús.

SAN MATEO 22:15

Li' ndu'u ngu' fariseo ndyaa ngu' cha' quiñi cha' ji'i̱ ngu' lo'o tya'a ngu', ñi'ya̱ nu caca ji'i̱ ngu' cñilo'o ngu' ji'i̱ Jesús cha' chcui' yu sca cha' cuxi.

SAN MATEO 22:18

Pana ngua tii Jesús ñi'ya̱ laca cha' cuxi nu nclyacua ti' ngu' bi', bi' cha' ndi'ya̱ nguxacui̱ yu cha' ji'i̱ ngu': ―Cuiñi tsa cu'ma̱ ni. ¿Ni cha' laca nchcui' cuayá' ma̱ lo'o na'? ―nacui̱ Jesús ji'i̱ ngu' bi'―.

SAN MATEO 22:23

Lo'o la cui' tsa̱ bi' ñaa xi ngu' saduceo slo Jesús, bi' laca sca latya ñati̱ nu nchcui' cha' nga'aa tyu'ú ñati̱ chaca quiya' lo'o cua ngujuii ngu'. Nchcuane ngu' bi' sca cha' ji'i̱ Jesús li':

SAN MATEO 23:2

―Nu ngu' fariseo bi', lo'o mstru nu nclu'u cha' jo'ó ne' laa ni, jlo ti' ngu' bi' lcaa cha' ñi'ya nu nguscua jyo'o Moisés lo quityi.

SAN MATEO 27:62

Ca chaca tsa̱ lo'o cua ndye ngua'ni yala ngu' cña ji'i̱ ngu', cha' cua tyalaa ti tsa̱ ta'a nu ntsu'u cha' tyi'i̱ cña' ngu', li' lcaa sti jo'ó nu laca loo lo'o ngu' fariseo bi' ndyu'u ti'i̱ ngu' slo Pilato.

SAN MATEO 5:20

Ndi'ya̱ ñacui̱ na' ji'i̱ ma̱ juani: ná caja chalyuu nu ná nga'a̱ cha' tye ji'i̱ ma̱, si ná tso'o la cha' nu cua'ni ma̱, si'i ñi'ya̱ nu ndu'ni ngu' tacati jua, nu ngu' fariseo bi' lo'o jua'a̱ nu mstru cha' jo'ó bi'.

SAN MATEO 9:11

Lo'o na'a̱ ngu' fariseo cha' ndyacu Jesús lo'o ngu' bi', hora ti nchcui' ngu' lo'o ngu' nu ndyaca tsa'a̱ ji'i̱ yu: ―¿Ni cha' stu'ba ti ndacu xu'na ma̱ lo'o ngu' nu ná tso'o, masi lo'o ngu' re nu laca msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ngu'? ―nacui̱ ngu' fariseo bi'.

SAN MARCOS 10:2

Li' ndyalaa xi ngu' fariseo slo yu cha' ngua ti' ngu' bi' tyiji̱loo ngu' ji'i̱ Jesús. Li' nchcuane ngu' ji'i̱ yu: ―¿Ha ntsu'u chacuayá' cuentya ji'i̱ cha' cusu' nu ntsu'u ji'na, cha' xtyanu sca ñati̱ ji'i̱ clyo'o yu? ―nacui̱ ngu' bi' ji'i̱ Jesús.

SAN MARCOS 12:15

Ngua tii Jesús cha' tucua cha' ntsu'u tyiquee ngu' bi'. ―¿Ni cha' laca nchcui' cuayá' ma̱ 'na jua'a̱? ―nacui̱ Jesús ji'i̱ ngu' bi'―. Ta ma̱ sca cñi plata 'na cha' ña'a̱ na' ji'i̱.

SAN MARCOS 12:18

Lo'o li' ndyalaa xi ngu' saduceo slo Jesús; lo'o nu ngu' bi' ni, ná jlya ti' ngu' cha' tya tyu'ú jyo'o chaca quiya'. Nchcuane ngu' bi' sca cha' ji'i̱ Jesús li':

SAN LUCAS 10:25

Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN LUCAS 11:16

Lo'o li' xa' la ñati̱ ngua ti' ña'a̱ cuayá' ngu' ji'i̱ Jesús, bi' cha' ngüijña ngu' ji'i̱ Jesús cha' cua'ni yu chaca cha' tlyu chacuayá' ji'i̱ ycui' Ndyosi nu ntucua nde cua̱.

SAN LUCAS 20:23

Ngua tii Jesús ña'a̱ cha' cuiñi nu ntsu'u tyiquee ngu' lo'o nchcuane ngu' ji'i̱ yu jua'a̱. Li' nacui̱ yu ji'i̱ ngu': ―¿Ni cha' laca nchcui' cuayá' ma̱ jua'a̱ lo'o na'? ―nacui̱ yu ji'i̱ ngu'―.

SAN LUCAS 20:27

Ca tiya' la li' ndyalaa chaca taju ngu' judío, ndyaa na'a̱ ngu' ji'i̱ Jesús. Ngu' saduceo laca ngu' bi', ngu' nu nacui̱ cha' ná ntsu'u ni sca jyo'o nu taca ji'i̱ tyu'ú chaca quiya'.

SAN JUAN 8:6

Na nchcui' cuayá' ti ngu' bi' lo'o Jesús, cha' cua nti' ngu' caja cha' ji'i̱ ngu' ñi'ya̱ caca sta ngu' qui'ya ji'i̱ Jesús. Bi' cha' ñi'ya̱ nu nga'a̱ ti yu ndati'i̱chu̱' yu xi, nguscua lo'o sne ya' ti yu lo yuu.

LOS HECHOS 4:1

Tya ndu̱ Pedro lo'o Juan nchcui' lo'o ngu' ne' laa nu lo'o ngulaa sti jo'ó. Ya̱a̱ ngu' lo'o xu'na ngu' policía nu ndi'i̱ cua̱ ne' laa tonu, lo'o nu ngu' saduceo ya̱a̱.

LOS HECHOS 5:17

Ñasi̱' tsa xu'na sti jo'ó ña'a̱ ji'i̱ ngu' nu ngua tsa'a̱ ji'i̱ Jesús tya clyo, xqui'ya cha' quiña'a̱ tsa cña tlyu ndyu'ni ngu' cuentya ji'i̱ Jesús. Lo'o jua'a̱ ngu' saduceo nu tya'a ndya'a̱ sti jo'ó ni, ti'í ti' ngu' ña'a̱ ngu' ji'i̱ ngu' bi'.

1 CORINTIOS 1:22

Cua nti' ngu' judío cha' cua'ni na sca cha' tlyu slo ngu', cha' jlya ti' ngu' cha' nu chcui' na lo'o li'; cuati nu ngu' xa' tsu' ni, cua nti' ngu' cha' tso'o tsa jlo ti' na lcaa cha' lo'o chcui' na lo'o ngu'.