SAN MATEO 15:9 - Chatino Tataltepec

⁹ Na cuiñi tsa ngu' re, cha' nacui̱ ngu' cha' ndyu'ni tlyu ngu' 'na, masi nclu'u ngu' cha' nu nchcui' ñati̱ ti ji'i̱ tya'a ngu'; pana nacui̱ ngu' cha' nclyu'u ngu' cha' jna' ji'i̱ tya'a ngu'. Jua'a̱ nguscua jyo'o Isaías bi' cuentya ji'i̱ ycui' Ndyosi.

SAN MATEO 15:9 ပူးပေါင်းရင်းမြစ်များ

SAN MATEO 15:10

Lo'o li' ngusi'ya Jesús ji'i̱ nu quiña'a̱ tsa ñati̱ nu ndi'i̱ cajua cha' ca̱a̱ ngu' cacua la xi, cha' chcui' yu lo'o ngu' li': ―Cua'a̱ jyaca̱ ma̱ ―nacui̱ Jesús ji'i̱ ngu'―, cha' caca cuayá' tso'o ti' ma̱ ―nacui̱―.

SAN MARCOS 7:7

Na cuiñi tsa ngu' re; nacui̱ ngu' cha' ndyu'ni tlyu ngu' 'na, pana nclu'u ngu' cha nu' nchcui' ñati̱ ti ji'i̱ tya'a ngu', masi nacui̱ ngu' cha' nclyu'u ngu' cha' jna' ji'i̱ tya'a ngu', nacui̱ ycui' Ni. Jua'a̱ nscua lo quityi.

1 CORINTIOS 15:2

Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.

1 TIMOTEO 1:4

Lo'o jua'a̱ culo nu'u̱ cña cha' nga'aa ca tsa'a̱ ngu' cuentyu cusu', nga'aa cua'a̱ jyaca̱ ngu' ji'i̱ cña cua̱ nu ndyanu ji'i̱ jyo'o cusu' ji'i̱ ngu' sa'ni. Nguichi̱ tsa cha' bi', lo'o jua'a̱ ná tye chca cha' bi' tsiya' ti. Ná xtyucua cha' bi' ji'na cha' cua'ni na cña ji'i̱ ycui' Ndyosi; sca ti si xñi na cha' ji'i̱ ycui' Jesús, li' caca cua'ni na cña ji'i̱ Ni.

TITO 1:14

cha' nga'aa cua'a̱ jyaca̱ ngu' ji'i̱ cuentyu nu nchcui' ngu' judío, cha' nga'aa taquiya' ngu' ji'i̱ cha' nu nchcui' ñati̱ chalyuu ti nu cua ngulochu̱' ji'i̱ lcaa cha' liñi.

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.

SANTIAGO 2:20

Nga'a̱ cha' ca cuayá' ti' ma̱, cha' ná chañi cha' ngusñi na cha' ji'i̱ ycui' Ndyosi si ná lo'o cua'ni na cha' tso'o cha' xtyucua na ji'i̱ tya'a ñati̱ na.

APOCALIPSIS 22:18

Tsa lo cua ti cha' nda ycui' Ndyosi cha' scua na' lo quityi re, bi' cha' nga'aa scua ma̱ xi xa' la cha' lo quityi re. Si tya scua la ngu' xi xa' la cha', li' ta Ni cha' ti'í ji'i̱ ngu' bi', la cui' ña'a̱ cha' ti'í nu nscua lo quityi re. La cui' jua'a̱, ná cuityi̱ ma̱ ni tsaca cha' nu nscua re; nu lo'o cuityi̱ ngu' sca cha', li' xlyaá Ni chalyuu nu nga'a̱ cha' caja ji'i̱ ngu' bi'. Li' nga'aa caja chacuayá' cacu ngu' bi' si'yu nu ntsu'u lo yaca bi', nga'aa tyalaa ngu' bi' ca quichi̱ tlyu nu lubii tsa ña'a̱, ñi'ya̱ nu nchcui' quityi re. Jua'a̱ nchcui' na' lo'o lcaa ñati̱ nu ndyuna cha' nu nscua lo quityi re, la cui' cha' nu caca nde loo la laca bi'.