SAN MATEO 15:6 - Chatino Tataltepec

⁶ Jua'a̱ laca cha' cuxi nu nclyu'u ma̱ ji'i̱ ngu', cha' nga'aa cua'ni tlyu ngu' ji'i̱ sti ngu', ji'i̱ xtya'a̱ ngu'; jua'a̱ nchcui' ma̱, masi xa' ña'a̱ ngulo ycui' Ndyosi cña ji'na. Nga'aa tso'o cha' nu nda ycui' Ni lo'o na, nti' ma̱; tso'o la cha' nu nda jyo'o cusu' cha' cua'ni na, nti' ma̱ cuentya ji'i̱ ma̱.

SAN MATEO 15:6 ပူးပေါင်းရင်းမြစ်များ

SAN MATEO 15:5

Pana cu'ma̱ ni, xa' lo cha' nchcui' ma̱ juani. Nclyu'u ma̱ cha' tso'o tsa laca si ndi'ya̱ chcui' na lo'o sti na, lo'o xtya'a̱ na: “Cua nda na' lcaa na nu ntsu'u 'na ji'i̱ ycui' Ndyosi, bi' cha' nga'aa caca xtyucua na' ji'i̱ ma̱ juani”.

SAN MATEO 15:7

Cuiñi tsa ma̱, cha' tucua cha' ntsu'u tyiquee ma̱. Tya sa'ni la nchcui' jyo'o Isaías cha' liñi ji'i̱ cu'ma̱. Ndi'ya̱ cha' nu nguscua jyo'o bi' lo quityi:

SAN MARCOS 7:13

Ná tso'o laca lo'o nclyu'u ma̱ jua'a̱. Nga'aa ndaquiya' ma̱ ji'i̱ cña nu ngulo ycui' Ndyosi ji'na, si jua'a̱ culu'u ma̱ ji'i̱ ngu'; lye la ndaquiya' ma̱ ji'i̱ cha' nu nda jyo'o cusu' lo'o ma̱. Lo'o jua'a̱ quiña'a̱ tsa xa' la cha' cuxi ndu'ni ma̱ ―nacui̱ Jesús ji'i̱ ngu'.

ROMANOS 3:31

Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.

1 TIMOTEO 5:16

Culo nu'u̱ cña ji'i̱ ca ta'a ñati̱ ji'i̱ Jesucristo jua, masi ji'i̱ ngu' qui'yu, masi ji'i̱ ngu' cuna'a̱, cha' ña'a̱si̱i̱ ngu' ji'i̱ nu cuna'a̱ ti'i tya'a ngu'; ná xtyanu ngu' ji'i̱ nu cuna'a̱ ti'i tya'a ngu' cha' caca bi' cuentya ji'i̱ taju ñati̱ ji'i̱ Jesucristo. Li' caca xtyucua tyucui taju ngu' bi' ji'i̱ nu cuna'a̱ nu chañi cha' ti'i ngu', nu ngu' cuna'a̱ ti'i nu ná ntsu'u ni sca ñati̱ ji'i̱ cha' xtyucua ji'i̱.

1 TIMOTEO 5:8

Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.